**
"ყველაფერი ნათელია დღესავით,
არავინ არ მყვარებია შენსავით.
ლამაზი და სპეტაკი ხარ მზესავით,
განა ვინმე შეგიყვარებს ჩემსავით?"
**
"გული თავის სწორ გულს მუდამ ეძებს,
სიყვარულია და გადარევა.
როს მოიწყინა ადამმა ედემს,
მაშინ უფალმა შეუქმნა ევა."
**
"დავიძინებ, – შენზე ვიწყებ ბოდვას...
გავიღვიძებ, – გული შენ ერთს გლოცავს...
არ დავუწყებ, ჩვენს პაემანს მოცდას,
სიოს შენთან, გამოვატან კოცნას."
ლაშა ლილუაშვილი
2024 წელი