კოლექციები Elie Saab-ის შემოდგომა 2014 წლის კოლექცია მაღალი მოდის კვირეულზე პარიზში 2014, 15 ივლისი, 17:45 პარიზი მაღალი მოდის კვირეულს მასპინძლობდა. ცნობილმა დიზაინერებმა მომავალი სეზონის კოლექციები წარმოადგინეს.
მოდის მიმდევრების, ჟურნალისტების, თაყვანისმცემლების ყურადღება მიპყრობილი იყო ლიბანელი დიზაინერის Elie Saab-ის ჩვენებისკენ.
შემოდგომა 2014 კოლექციის ჩვენება გაიმართა პარიზის საგამოფენო ცენტრში Pavillon Cambon Capucines. სააბმა უარი თქვა ყოველდღიური იერსახეების შექმნაზე, ყურადღება გადაიტანა
ისეთი კოლექციის შექმნაზე, რაც მას ყველაზე საუკეთესოდ გამოსდის-წითელი ხალიჩებისთვის განკუთვნილი სამოსი დიზაინერის მთავარი ხაზი გახლავთ, კოლექცია დაყოფილი იყო რამდენიმე ფერად ნაწილად. ჩვენება დაიწყო ცივი-ლურჯი ფერის კაბებით, რომელსაც მოყვა მუქი ლურჯი, ნაზი ვარდისფერი, კანისფერი, შავი და ღია ნაცრისფერი. ფერთა პალიტრაში გარდამავალი ელემენტი გახლდათ ორფერიანი კაბები გრადიენტის ეფექტით. კაბების უმრავლესობას აქცენტი წელზე ჰქონდა გადატანილი და უხვად იყო გაფორმებული ნაქარგებით, მძივებით, მარგალიტებით და სხვა დეკორატიული ელემენტებით. ზოგიერთი მათგანს ამშვენებდა ბეწვის საყელო. განსაკუთრებული ყურადღება დაიმსახურა აბსტრაქტული ყვავილებით გაფორმებულმა კაბებმა, რომელიც იშვიათად გხვდება დიზაინერის კოლექციაში. 153 3-ს მოსწონს
|