კვლევების ერთ-ერთ მიმართულებაში შეისწავლიდნენ ტექნიკებს, რომლებსაც ადამიანი სხვების დასაყოლიელებლად იყენებდნენ. რობერტ ჩალდინი შეისწავლიდა მანქანების გამყიდველებს, თაღლითებს და სხვებს, ვინც ფულს სხვების დაყოლიებით შოულობს. მან და მისმა კოლეგებმა გამოყვეს დათმობის რამდენიმე ტექნიკა. ტექნიკა- ფეხი კარებში. დათმობის ერთ-ერთი გზაა, ადამიანი თავდაპირველად მცირე თხოვნაზე დავითანხმოთ. თუ ადამიანი ერთხელ დაგვთანხმდა პატარა ქმედებაზე, სავარაუდოდ ის არც დიდ თხოვნაზე გვეტყვის უარს. ეს ტექნიკა ხშირად ბევრ სარეკლამო კომპანიაში გამოიყენება.სარეკლამო აგენტები ხშირად მომხმარებლებს სთხოვენ გააკეთონ უმნიშვნელო რაღაც, რაც მატ პროდუქტთან არის დაკავშირებული, მაგალითად გამოიყენონ ფულის დამზოგავი კუპონები. აგენტები ფიქრობენ, რომ პროდუქტთან დაკავშირებული ნებისმიერი ქმედება ზრდის იმის ალბათობას, რომ მომავალში კლიენტი ამ პრდუქტს იყიდის. ამ ეფექტს ადასტურებს ფრიდმანისა და ფრაზერის კლასიკური კვლევა: ექსპერიმენტატორები კარდაკარ დადიოდნენ და დიასახლისებს ეუბნებოდნენ, რომ ისინი მუშაობდნენ მოზრაობის უსაფრთხოების კომიტეტში. მათ სთხოვდნენ პეტიციაზე ხელისმოწერას, რაც გაზრდიდა მოძრაობის უსაფრთხოებას. პეტიციაზე ხელი თითქმის ყველა ქალმა მოაწერა. რამდენიმე კვირის შემდეგ, უკავშირდებოდნენ იმ ქალბატონებს, რომლებმაც პეტიციაზე ხელი მოაწერეს და მათაც რომლებმაც ამის შესახებ არაფერი იცოდნენ და ეუბნებოდნენ, რომ სახლის წინა ეზოში მოეთავსებინათ უშნო ბანერი წარწერით 'ფრთხილად საჭესთან"! იმ ქალების 55 პროცენტზე მეტი, ვინც ხელი მოაწერა პეტიციას( პატარა თხოვნას), დათანხმდა თავის ეზოში ბანერის დადგმას. ხოლო იმ ქალებიდან, რომლებსაც პირველად დაუკავშირდნენ, მხოლოდ 17 პროცენტი დათანხმდა ბანერის დადგმაზე. ტექნიკა- კარები სახეში. დამყოლობა შეიძლება გაიზარდოს თავდაპირველად დიდი და შემდეგ უფრო მცირე თხოვნის გამოყენებით. მაგალითად სტუდენტებს სთხოვდნენ გამოენახათ დიდი დრო მოხალისეობისთვის, როდესაც ისინი უარს ამბობდნენ, შემდეგ სთხოვდნენ მცირე დროის დათმობას. ამ შემთხვევაში სტუდენტების 50 პროცენტი თანხმდებოდა თხოვნაზე. წელს ქვემოთ დარტყმა- ზომიერი თხოვნით მოლაპარაკების მიღწევა და მხოლოდ ამის შემდეგ იმ დაფარული ინფორმაციის გამჟღავნება, რომელიც თხოვნის შესრულების საფასურს ზრდის. მაგალითად მკვლევარი ტელეფონზე გირეკავთ და გთხოვთ მონაწილეობა მიიღოთ ექსპერიმენტში, რომელიც დილის 7 საათზეა. მეორე შემთხვევაში გთხოვთ ექსპერიმენტში მონაწილეობის მიღებას და მას შემდეგ რაც დათანხმდებით, გეუბნებათ, რომ კვლევა დანიშნულია დილის 7 საათზე. კვლევის ჩატარების შემდეგ აღმოჩნდა, რომ პირველ შემთხვევაში დათანხმდა მონაწილეთა 25%, ხოლო მეორე შემთხვევაში 55%. ტექნიკა- ეს ჯერ ყველაფერი არ არის- შეთავაზების გაკეთება და შემდეგ მისი გაუმჯობესება. მაგალითად გამყიდველი პოტენციურ მყიდველს აცნობს მიკროტალღური ღუმელის ფასს და შემდეგ ამატებს: "მაგრამ ეს ყველაფერი არ არის", ჩვენ გვაქვს სპეციალური შეთავაზება მხოლოდ დღეს- თუ შეიძენთ ღუმელს საჩუქრად მიიღებთ თეფშებს. სინამდვილეში კი თეფშები ყოველთვის მოყვება ღუმელს, მაგრამ ამ შეთავაზებით გამყიდველი იმედოვნებს, რომ ღუმელი უფრო მიმზიდველი გახდება მყიდველისთვის. ცნობისმოყვარეობის გამომწვევი ტექნიკა- უჩვეულო თხოვნის გაკეთება, უარის თავიდან ასაცილებლად. ზოგჯერ ადამიანები ბევრი ფიქრის გარეშე უკუაგდებენ სხვათა თხოვნებს. დღეს ბევრი ქალაქის ქუჩაში მათხოვრები ფულს სთხოვენ გამვლელებს, შეწუხებული გამვლელების უმრავლესობა ავტომატურად ამბობს უარს და გზას განაგრძობს. უარის თავიდან ასაცილებლად მათხოვარს შეუძლია უცნაური თხოვნით მიმართოს გამვლელებს:" ხომ არ შეგიძლიათ 17 თეთრის მოცემა?" კვლევების შედეგად აღმოჩნდა, რომ უჩვეულო თხოვნა გამვლელებში ინტერესს იწვევს და ამცირებს დაუფიქრებელ უარს.