როგორ დავიცვათ კოღოებისგან თავი, სახლში და ქუჩაში?

სხვა

როგორ დავიცვათ კოღოებისგან თავი, სახლში და ქუჩაში? – ბუნებრივი საშუალებებო

გუშინ, 8:30

ვიდრე უშუალოდ, კოღოებისგან თავდაცვის საშუალებებზე გადავალთ... გიფიქრიათ იმაზე, რომ კოღო კონკრეტულად თქვენ გეძებთ, რომ მანიაკურად გადაგეკიდოთ და დაგკბინოთ? და ალბათ, იმაზეც გიფიქრიათ, თუ რა არის ამის მიზეზი? აქვე გიპასუხებთ, რომ ამაში დამნაშავე, ძირითადად (70%), თქვენი გენებია (თუ ეს საკითხი არ გაინტერესებთ, კოღოსგან თავდაცვის საშუალება, სტატიის ბოლოს, მსხვილი შრიფტითაა მოცემული).

კოღოები, თქვენ, მსხვერპლად, მთელი რიგი ფაქტორების გათვალისწინებით გირჩევენ. მეცნიერებმა ეს ხანგრძლივი კვლევის შედეგად დაადგინეს. ამასთან, უნდა აღინიშნოს, რომ დაკვირვებას სხვადასხვა სახეობის კოღოებზე ატარებდნენ. ამიტომ, ფაქტორები რომლის გამოც, თქვენით შეიძლება დაინტერესდეს კოღო, შეიძლება, სხვადასხვა იყოს. ეს იმაზეა დამოკიდებული, თუ კოღოს რომელი სახეობაა თქვენს რეგიონში გავრცელებული. ზოგადი სურათი კი ასეთია:

ადამიანები, რომლებსაც პირველი (0) ჯგუფის სისხლი აქვთ, კოღოებისთვის უფრო მეტად მიმზიდველები არიან, ვიდრე ადამიანები, ნებისმიერი სხვა ჯგუფის სისხლით.

ფეხმძიმე ქალები 2-ჯერ უფრო მეტად იზიდავენ მალარიის კოღოებს, ვიდრე სხვა ადამიანები. ამას ყურადღება უნდა მიაქციონ ექიმებმა და მომავალმა დედებმა, რადგან დღეს მსოფლიოში ზეკას ვირუსი არის გავრცელებული, რომლის გამოც, ბავშვები თანდაყოლილი დეფექტებით იბადებიან.ერთ-ერთი კვლევის დროს, დადგინდა რომ ადამიანები რომლებიც ლუდს სვამდნენ, უფრო მიმზიდველები აღმოჩნდნენ კოღოებისთვის, ვიდრე მათი ფხიზელი მეგობრები.ზოგიერთი ადამიანის ორგანიზმი ატრაქტანტს გამოყოფს — ნივთიერებას, რომელიც მწერებს იზიდავს. ჯერ-ჯერობით, უცნობია ეს ნივთიერებები როგორ მუშაობს. თუმცა, მეცნიერები მის გამოყოფას ცდილობენ და კოღოების საწინააღმდეგო ხაფანგებ ქმნიან.კოღებს, ის ადამიანები მოსწონთ, რომლებიც სუნთქვის დროს, დიდი რაოდენობით ნახშირორჟანგს გამოყოფენ. მაგ., ჭარბი წონის ადამიანები და ფეხმძიმე ქალები.ვარჯიშის დროს, ადამიანის ორგანიზმში რძემჟავა წარმოიქმნება, რომელიც ოფლში მოხვედრის შემთხვევაში, ატრაქტანტი ხდება კოღოებისთვის.გენეტიკის შეცვლა შეუძლებელია, მაგრამ არის საშუალებები, რომელიც კოღოების შემოტევისგან დაგიცავთ, როგორც სახლში, ისე ქუჩაში. თავდაცვა კი, აუცილებელია, რადგან გარდა იმისა, რომ კოღოს ნაკბენი ქავილს და დისკომფორტს იწვევს, ჯანმრთელობისთვის სახიფათოც არის. კოღოს ისეთი დაავადებები გადააქვს, როგორიცაა ზიკას ვირუსი, მალარია, ყვითელი ციება, დას. ნილოსის ციება და სხვა.

კოღოებს, ისევე როგორც ჩვენ, ყნოსვის ორგანოები აქვთ განვითარებული. ისინი ყველაზე მეტად მიხაკის, რეჰანის, ევკალიპტის, კედრის და ანანასის სუნს ვერ იტანენ. ამ მცენარეებიდან ნებისმიერის ეთერზეთის ერთი წვეთის, სხეულის ღია ადგილზე დაწვეთების შემთხვევაში, ან 5-10 წვეთის სუნამოში, ან ოდიკოლონში ჩამატების და მისი მოხმარების შემდეგ, თქვენ მთელი დღის მანძილზე, კოღოებისგან დაცული იქნებით.

რაც შეეხება სახლში თავდაცვას, არც ეს არის რთულად მოსაგვარებელი პრობლემა:
გამხმარი გვირილა დაფქვით და სახლში მოაბნიეთ, ან ქოთანში პომიდორი ჩარგეთ და ფანჯრის რაფაზე დადგით. კოღო არასოდეს გაეკარება ფანჯარას, სადაც პომიდვრის ფოთლების სუნი ტრიალებს.