ბრაზილიელი მოდელი არტურ ურსო, რომელიც ერთდროულად ოთხ საყვარელთან ცხოვრობს, პირველ ცოლს დაშორდა. ამის შესახებ Need To Know წერს.

ურსო ცნობილი გახდა იმით, რომ ერთდროულად ცხრა საყვარელი ჰყავდა. მათ შორის, მისი ერთადერთი კანონიერი ცოლი, ლუანა კაზაკი, ყოველთვის გამოირჩეოდა.

10 წლიანი ქორწინების შემდეგ, მათ განქორწინება გადაწყვიტეს. „მივხვდით, რომ ჩვენი გზები ემოციურად გაიყო, მიუხედავად იმ სიყვარულისა და პატივისცემისა, რომელსაც ერთმანეთის მიმართ დღემდე ვგრძნობთ“, - განმარტა ურსომ.

დამშვიდობების წინ, წყვილი ფრანგულ სოფელ კაპ-დ’აგდში გაემგზავრა, რომელიც ნუდისტური პლაჟებით არის ცნობილი. წლების წინ მათ თაფლობის თვე იქ გაატარეს და გადაწყვიტეს, რომ განშორების ცერემონია იქ ჩაეტარებინათ. წყვილი სიმბოლურად შიშველი დაემშვიდობა ერთმანეთს.

ურსოს და კაზაკის თქმით, მათ ამ გზით ნდობისა და პატივისცემის გამოხატვა სურდათ. მათ სტუმრები არ მოიწვიეს და ბოლო დღე პლაჟზე ტორტითა და ყვავილებით გაატარეს. უცნობია, ოფიციალურად შეიტანეს თუ არა განქორწინებაზე განცხადება.

ურსოს ამჟამად მხოლოდ ოთხი საყვარელი ჰყავს დარჩენილი. მან აღიარა, რომ ჯერ არ გეგმავს დაქორწინებას და ახალ პარტნიორებს არ ეძებს.

კაზაკიმ ურსოსთან ქორწინებას კარგი გამოცდილება უწოდა. მან აღნიშნა, რომ მზადაა ახალი პოლიამორული ურთიერთობებისთვის, თუ ის რაიმე სირთულეებს არ გამოიწვევს.