საკმაოდ ხშირად, იდაყვებსა და მუხლებზე კანი მუქდება, რაც განსაკუთრებით შესამჩნევია ზაფხულში. თუმცა, ამ პრობლემისგან თავის დაღწევა შესაძლებელია საკმაოდ მარტივი, მაგრამ ეფექტური მეთოდებით. აქ არის რამდენიმე ნატურალური ინგრედიენტი, რომელიც დაგეხმარებათ კანის გაღიავებაში.

ალოე რძით

ეს არის ნატურალური მათეთრებელი საშუალება, რომელიც მუქი ლაქების მოშორებაში დაგეხმარებათ. ალოეს ახასიათებს კარგი ანტიბაქტერიული და სოკოს საწინააღმდეგო თვისებები. რძე ათეთრებს, კვებავს და ატენიანებს კანს. ნატურალური კრემი მყისიერად აქრობს კანის გამუქებას.

რძე და ალოე ვერას გელი თანაბარი პროპორციებით შეურიეთ. მზა ნარევი წაისვით კანის გამუქებულ ადგილას. გაიჩერეთ მთელი ღამით. ნიღაბი კვირაში 3-4-ჯერ გამოიყენეთ. რეგულარული გამოყენების შემთხვევაში, ეფექტი ძალიან სწრაფად შესამჩნევი იქნება.

შაქარი და ზეითუნის ზეთი

ზეითუნის ზეთი შეიცავს სკვალენს. ეს ნივთიერება ხელს უწყობს ტენიანობის შენარჩუნებას და მყისიერად აშორებს მუქ ლაქებს კანზე. გარდა ამისა, ზეითუნის ზეთი მდიდარია E ვიტამინით და ანტიოქსიდანტებით. ეს არის ბუნებრივი საშუალება, რომელიც ხელს უწყობს მუქი ლაქების შემცირებას, ზრდის კოლაგენის დონეს კანში.

მოამზადეთ ხელნაკეთი სკრაბი ზეითუნის ზეთისა და შაქრის თანაბარი პროპორციებით შერევით. ეს პროდუქტი კვებავს, ატენიანებს და ხელს უწყობს კანის მკვდარი უჯრედების მოცილებას. მზა ნარევი წაისვით იდაყვებსა და მუხლებზე, შემდეგ წრიული მოძრაობით შეიზილეთ. ეს პროდუქტი კვირაში ერთხელ უნდა გამოიყენოთ.

ძმარი და იოგურტი

ძმარი ცნობილია ბაქტერიციდული თვისებებით და ხელს უშლის უსიამოვნო სუნის წარმოქმნას. გარდა ამისა, ეს პროდუქტი ხელს უწყობს კანის გაღიავებას იდაყვებსა და მუხლებზე. ძმარმჟავა და რძემჟავა ხელს უწყობს კანის ტონის გათანაბრებას.

თასში აურიეთ 1 ს/კ იოგურტი და 1 ს/კ ვაშლის ძმარი. წაისვით ნარევი იდაყვებსა და მუხლებზე და გაიჩერეთ 15 წუთი. ჩამოიბანეთ თბილი წყლით. სწრაფი და ეფექტური შედეგის მისაღწევად პროცედურა კვირაში მინიმუმ 4-ჯერ გაიმეორეთ.

კიდევ რა ნატურალური საშუალებების გამოყენება შეიძლება?

C ვიტამინი კარგი ანტიოქსიდანტია. ის ხელს უწყობს მელანინის გამომუშავების შემცირებას, კანს ანიჭებს კაშკაშა ბზინვარებას და ებრძვის ანთებას. C ვიტამინის შემცველი პროდუქტების გამოყენების შემდეგ აუცილებელია SPF ფილტრის მქონე პროდუქტების გამოყენება.

ძირტკბილას ექსტრაქტი შეიცავს აქტიურ ინგრედიენტებს, რომლებიც ხელს უწყობენ კანის გაღიავებას. ასევე ხელს უწყობს ანთების და სიწითლის შემცირებას.

გლიკოლის მჟავა ხელს უწყობს უჯრედების განახლებას, ზედმეტი პიგმენტაციის მოცილებას და აქვს ამქერცლავი ეფექტი.

რეტინოიდები ასტიმულირებენ კანის უჯრედების განახლებას, აშორებენ პიგმენტაციას, მათ შორის ასაკობრივ პიგმენტაციას.

რა არ უნდა გამოიყენოთ?

მარტივი და ეფექტური საშუალებებია ლიმონის წვენი და წყალბადის ზეჟანგი. თუმცა, მათ აქვთ გვერდითი მოვლენები და მნიშვნელოვანი რისკები. ისინი აგრესიულად მოქმედებენ კანზე, რაც იწვევს სხვადასხვა დაზიანებას.

ლიმონის წვენის გამოყენებისას შესაძლოა გაიზარდოს კანის მგრძნობელობა ულტრაიისფერი გამოსხივების მიმართ. ეს ყველაფერი განპირობებულია ასკორბინის და ხილის მჟავების მაღალი კონცენტრაციით. ეს მნიშვნელოვნად ზრდის მზის დამწვრობის და ჭარბი პიგმენტაციის რისკს. ლიმონის წვენის მაღალმა მჟავიანობამ შეიძლება გამოიწვიოს ძლიერი გაღიზიანება, წვა, სიწითლე და ქიმიური დამწვრობაც კი, განსაკუთრებით თუ კანი მშრალი ან ზედმეტად მგრძნობიარეა.

გაღიავებისთვის წყალბადის ზეჟანგი არ უნდა გამოიყენოთ, რადგან საკმაოდ აგრესიული ნივთიერებაა. ამან შეიძლება ქიმიური დამწვრობისა და დეპიგმენტირებული უბნების რისკი გამოიწვიოს. ზეჟანგი ასევე ანადგურებს კანის ლიპიდურ ბარიერს, რამაც შეიძლება კანის აქერცვლა და სიმშრალე გამოიწვიოს.

ასევე დაგაინტერესებთ:

როგორ ავიცილოთ თავიდან ტანსაცმელზე ოფლის ლაქები - მარტივი და ეფექტური მეთოდები

ფიტნესი და კანი: რატომ შეუძლია სპორტს კანის გაახალგაზრდავებაც და გაფუჭებაც

პილინგი 3 მარტივი ინგრედიენტით კანის მყისიერი განახლებისთვის

ანტიოქსიდანტური სასმელი: PH დონეს არეგულირებს და ნაადრევ დაბერებას აფერხებს

მუდმივი ახალგაზრდობის კრემი - ნაოჭები გაქრება და სახის ოვალი 20 წლის გოგოსავით გექნებათ

ცნობილი თურქული ნიღაბი: აი, რას იყენებდნენ სულთნის ცოლები სილამაზისთვის