ჟურნალისტი გოდერძი შარაშია სოციალურ ქსელში შემდეგი სახის ინფორმაციას ავრცელებს:

„ისტორიული იუსუფელი წყლით იფარება. წლების წინ ამ კადრის ფიქრებში წარმოდგენაც კი მიჭირდა. ტაო-კლარჯეთში ყველა გადაღების დროს სასტუმროში აქ ვრჩებოდი. ფოტო გიორგი დვალაშვილის გვერდიდან წამოვიღე", - წერს გოდერძი შარაშია და ფოტოს აქვეყნებს:

ცნობისთვის, დაბა იუსუფელი თურქეთში, ართვინის პროვინციაში, მდინარეების ჭოროხისა და პარხლისწყლის შესართავთან მდებარეობს. განვითარებულია ტურიზმის ინდუსტრია.

2022 წლის ნოემბერში პრეზიდენტმა რეჯეფ-ტაიპ ერდოღანმა „იუსუფელის" უდიდესი კაშხალლი გახსნა, რომლის სიმაღლე 275 მეტრია და 2 მილიარდ 130 მილიონ კუბური მეტრი წლის დატევა შეუძლია. წყალსაცავი თაღოვანი კაშხლის სიდიდით თურქეთში პირველია, ხოლო მსოფლიოში მეხუთე. წყალსაცავის მშენებლობა 2012 წლიდან მიმდინარეობდა. „იუსუფელის“ დადგმული სიმძლავრე 558 მეგავატია, წელიწადში დაახლოებით 1.9 მილიარდ კვტ/სთ ენერგიას გამოიმუშავებს და თურქეთის ეკონომიკას შემოსავლის სახით 5 მილიარდ ლირას მოუტანს.