სისხლის სამართალი ვეგეტერიანელმა ქალმა თავის 18 თვის შვილი შიმშილით მოკლა 2022, 1 ივლისი, 21:23 
ამერიკელი ქალი ბავშვს მხოლოდ დედის რძით, ხილითა და ბოსტნეულით კვებავდა. შედეგად, დაუძლურებული და გამოფიტული ბავშვი გარდაიცვალა.
38 წლის ამერიკელი ქალი დამნაშავედ ცნეს მცირეწლოვანი შვილისადმი სასტიკად მოპყრობაში. წელიწადნახევრის განმავლობაში ქალი შვილს ჯერ დედის რძით, შემდეგ კი უმი ბოსტნეულითა და ხილით კვებავდა. თავად ქალბატონმა აღიარა, რომ ვეგეტიარენელი იყო და სურდა, რომ მისი შვილიც დაბადებიდან ვეგანი ყოფილიყო. შედეგად, ეზრა - ასე ერქვა ბავშვს, ჭამდა მხოლოდ მანგოს, სტაფილოს, ბანანს და ავოკადოს. ამასთან, დედის რძეში, რომელიც მხოლოდ ბოსტნეულით და ხილით იკვებებოდა, ასევე არ იყო საკმარისი საკვები ნივთიერებები, რის გამოც 1, 5 წლის ბავშვი მხოლოდ 7 კილოგრამს იწონიდა - ნორმის თითქმის ნახევარს. ერთ ღამეს დედამ შეამჩნია, რომ ეზრა არ სუნთქავდა და გაცივებული იყო. მან მაშინვე აკრიფა 911. თუმცა ადგილზე მისულმა ექიმები ბავშვს ვერანაირად ვერ დაეხმარნენ. ის არასრულფასოვანი კვებით გამოწვეული გართულების გამო გარდაიცვალა. ბავშვს აღენიშნებოდა გაუწყლოება, პრობლემები ჰქონდა ღვიძლზე, შეშუპებული ჰქონდა ხელ-ფეხი. გარდაცვლილის დედა, შეილა ო’ლირი მეუღლესთან ერთად დააკავეს. წყვილის სხვა ბავშვები (3, 5 და 11 წლის) სამკურნალო-სარეაბილიტაციო ცენტრში გადაიყვანეს, მშობლები კი ციხეში. პანდემიის გამო სასამართლო პროცესი რამდენჯერმე გადაიდო და სამი წლის შემდეგ როგორც იქნა შედგა და განაჩენიც ცნობილია. 
სასამართლომ შეილა ო’ლირის დამნაშავედ ცნო პირველი კატეგორიის მკვლელობაში, ბავშვზე სასტიკ მოპყრობაში. გარდა ამისა, მშობლები დაისჯებიან შვილების მიმართ გამოჩენილი უყურადღებობისთვის - არასწორი კვების გამო სამივე ბავშვს ჯანრთელობის პრობლემები აღენიშნებათ.
სხვათა შორის, ქალს არავითარი სინანულის გრძნობა არ გააჩნია და ახლაც თვლის, რომ მომხდარში მისი ბრალეულობა არ არის. ო'ლირის საბოლოო განაჩენი ივლისში გამოცხადდება. დამნაშავედ ცნეს ბავშვის მამაც. დაკავების შემდეგ წყვილი ლის ოლქის ციხეში რჩება.
 403 3-ს მოსწონს
|
  |
Intermedia.ge © 2011-2024 წელი
საავტორო უფლებები დაცულია
 |
