ბიოგრაფია ვინ არის 28 წლის დენიზი, რომელიც თურქული სერიალების ახალი ვარსკვლავია 2022, 20 იანვარი, 14:49 დენიზ აქთაში 1993 წლის 28 ივლისს, სტამბულში დაიბადა. უნივერსიტეტში გემების მექანიკისა და მართვის ინჟინერიას დაეუფლა. სამსახიებო კარიერა მან 2015 წელს დაიწყო და პირველი როლი სერიალში "პატარა საყვარელი მატყუარა" შეასრულა.
დენიზის სამსახიობო კარიერია აღმავლობას 2017 წლიდან იწყებს. მან მონაწილეობა მიიღო ვარსკვლავურ სერიალში "ეზო" მსახიობ დემეთ ევგართან ერთად. მოგვიანებით აღნიშნული სერიალი ხელმისაწვდომი გახდა Netflix-ზე. კრიტიკოსებმა დენიზის მიერ შესრულებული როლი დადებითად შეაფასეს. პირველი მთავარი როლი 2019 წელს, სერიალში "სიყვარული აგატირებს" მიიღო. მან მთავარი პერსონაჟი იუსუფი შთამბეჭდავად განასახიერა. კარგად შესრულებული როლის შემდეგ, კიდევ ერთი მთავარი როლი მიიღო 2020 წელს სერიალში "დაურეკე ჩემს მენეჯერს", რომელიც ფრანგული პროექტის თურქული ანალოგია. დენიზი სერიალებში წარმატებული თამაშის შემდეგ, გასული წლის ბოლომდე თამაშობდა თეატრში, სპექტაქკლში "რომეო და ჯულიეტა". პროფესიით ინჟინერმა მსახიობის კარიერა 22 წლის ასაკში მეორეხარისხოვანი როლებით დაიწყო. ახლა ის 28 წლისაა და ორი მთავრი როლი აქვს შესრულებული. ყველაზე დიდი გამოხმაურება სერიალში "დაურეკე ჩემს მენეჯერს" ბარიშ ჰავასის როლს მოჰყვა, სადაც ისევ მსახიობს განასახიერებს, რომელიც კინოსამყაროში პირველ ნაბიჯებს დგამს. 153 1-ს მოსწონს
|