ისლამური სახელმწიფოს ფანატს, რომელმაც 5 წლის იეზიდი გოგონა მოკლა, სასამართლო დარბაზში გული წაუვიდა განაჩენის გამოცხადების შემდეგ

სისხლის სამართალი

ისლამური სახელმწიფოს ფანატს, რომელმაც 5 წლის იეზიდი გოგონა მოკლა, სასამართლო დარბაზში გული წაუვიდა განაჩენის გამოცხადების შემდეგ

2021, 1 დეკემბერი, 11:20

ერაყისა და ლევანტის ისლამური სახელმწიფოს(ISIS) ფანატი, რომელმაც ხუთი წლის იეზიდი გოგონა მცხუნვარე მზეზე დააბა, საწოლის დასვრის გამო, რამაც ბავშვის გარდაცვალება გამოიწვია, გერმანიის სასამართლოში გული წაუვიდა და იატაკზე დაენარცხა მას შემდეგ, რაც მას გენოციდისთვის სამუდამო პატიმრობა მიუსაჯეს.

თაჰა ალ-ჯუმაილი, რომელმაც ფრანკფურტის სასამართლოში საქაღალდე აიფარა, გონება დაკარგა და გახდა მსოფლიოში პირველი ადამიანი, რომელიც გაასამართლეს უმცირესობის გენოციდის ბრალდებით.

29 წლის ერაყელი, რომელიც დააკავეს საბერძნეთში და ორის წლის წინ ექსტრადირებული იქნა გერმანიაში, დამნაშავედ ცნეს კაცობრიობის წინააღმდეგ ჩადენილ დანაშაულებისთვის, რასაც სიკვდილი მოჰყვა, ასევე სამხედრო დანაშაულების ხელშეწყობაში და სხეულის დაზიანებაში, რასაც მოჰყვა სიკვდილი.

ალ-ჯუმაილიმ და ამჟამად უკვე მისმა ყოფილმა მეუღლემ, გერმანელმა ქალმა, სახელად ჯენიფერ ვენიშმა, იეზიდი ქალი და ბავშვი შინაურ „მონებად“ მაშინ „იყიდეს“ მაშინ, როდესაც 2015 წელს ისლამური სახელმწიფოს მიერ ოკუპირებულ ქალაქ მოსულში ცხოვრობდნენ.

მოგვიანებით ისინი გადავიდნენ ფალუჯაში, სადაც ალ-ჯუმაილიმ ხუთი წლის გოგონა ფანჯარაზე მიაბა და მიაფიცხა მზეს, 122F (50C) ტემპერატურაზე როგორც სასჯელი ლეიბების დასველებისათვის, რამაც გამოიწვია ბავშვის სიკვდილი.

ჯენიფერ ვენიშს გოგონას გარდაცვალების გამო 10 წლით თავისუფლების აღკვეთა მიუსაჯეს. ორივე სასამართლო პროცესზე ჩვენება მისცა ტყვეობა გამოვლილმა გოგონას დედამ.

ადამიანის უფლებათა დაცვის ადვოკატი ამალ კლუნი, რომელიც იეზიდების წინააღმდეგ ISIS-ის დანაშაულების გენოციდად აღიარებისთვის იბრძვის, იყო იმ ჯგუფის წევრი, რომელიც წარმოადგენდა იეზიდი გოგონას დედას, მაგრამ სასამართლოში ამ დღეს არ გამოცხადდა.

იეზიდები, ქურთულად მოლაპარაკე ეთნოსია, წარმოშობით ჩრდილოეთ ერაყიდან არიან. ერაყისა და ლევანტის ისლამური სახელმწიფოს ბოევიკები წლების განმავლობაში ავიწროებენ მათ, დახოცეს ასეულობით მამაკაცი, აუპატიურებდნენ და კლავდნენ ქალების, ხოლო ბავშვებს ძალდატანებით ISIS-ის მებრძოლებად ზრდიდნენ.