დენის რადერი (დაიბადა 1945 წლის 9 მარტს) არის ამერიკელი სერიული მკვლელი, რომელიც ცნობილია როგორც BTK (აბრევიატურა, რომელიც მან საკუთარ თავს უწოდა, "შებოჭვა, წამება, მოკვლა"), BTK Strangler ან BTK Killer. 1974-დან 1991 წლამდე მან მოკლა ათი ადამიანი ვიჩიტასა და სითი პარკში (კანზასი). და უგზავნიდა დამცინავ წერილებს პოლიციასა და მედიასაშუალებებს, სადაც აღწერდა მისი დანაშაულის დეტალებს. ათწლიანი პაუზის შემდეგ, რადერმა განაახლა წერილების გაგზავნა 2004 წელს, რამაც გამოიწვია მისი დაპატიმრება 2005 წელს და შემდგომში ბრალის აღიარება. ის ამჟამად იხდის 10 ზედიზედ სამუდამო პატიმრობას ელდორადოს გამოსასწორებელ დაწესებულებაში.

მკვლელობები

1974 წლის 15 იანვარს ოტეროს ოჯახის ოთხი წევრი მოკლეს ვიჩიტაში, კანზასი.მსხვერპლი იყვნენ ჯოზეფ ოტერო, 38 წლის; ჯული ოტერო, 33 წლის; ჯოზეფ ოტერო უმცროსი, 9 წლის; და ჟოზეფინ ოტერო, 11 წლის. მათი ცხედრები აღმოაჩინეს ოჯახის სხვა წევრებმა, ჩარლიმ, დენიმ და კარმენმა, რომლებიც სკოლაში იმყოფებოდნენ მკვლელობის დროს. 2005 წლის დაპატიმრების შემდეგ რადერმა აღიარა ოტეროს ოჯახის მკვლელობა. რადერმა დაწერა წერილი, რომელიც ინახებოდა ვიჩიტას საჯარო ბიბლიოთეკის საინჟინრო წიგნში 1974 წლის ოქტომბერში, რომელშიც დეტალურად იყო აღწერილი ოტეროს ოჯახის მკვლელობა იმავე წლის იანვარში. 1974 წლის გაზაფხულსა და 1977 წლის ზამთარს შორის, რადერმა მოკლა კიდევ სამი ქალი: კეტრინ ბრაიტი (1974 წლის 4 აპრილი), შირლი ვიან რელფორდი (1977 წლის 17 მარტი) და ნენსი ფოქსი (1977 წლის 8 დეკემბერი). 1978 წლის დასაწყისში მან კიდევ ერთი წერილი გაუგზავნა ტელეკომპანია KAKE-ს ვიჩიტაში, სადაც პასუხისმგებლობა აიღო გარდაცვლილების მკვლელობებზე წერილში იგი აცხადებდა, რომ მოკვლას უბიძგებდა "X ფაქტორი", რომელიც მან დაახასიათა, როგორც ზებუნებრივი ელემენტი.

ის ასევე აპირებდა ანა უილიამსის მოკვლას (63 წლის ქალბატონი), 1979 წელს. ეს უკანასკნელი სიკვდილს გადაურჩა, რადგანაც სახლში ძალიან გვიან დაბრუნდა, ვიდრე მოსალოდნელი იყო, ხოლო სახლში რასაკვირველია სერიული მკვლელი ელოდებოდა. რეიდერმა აღიარების დროს განმარტა, რომ იგი უილიამსით იყო შეპყრობილი და "აბსოლუტურად გაბრაზებული" იყო, რადგან საათობით ელოდა მსხვერპლს ის კი არ ჩანდა და საბოლოოდ გადაწყვიტა დაეტოვებინა ტერიტორია.

მარინე ჰეჯი, 53 წლის, იპოვეს 1985 წლის 5 მაისს, აღმოსავლეთის 53-ე ქუჩაზე ჩრდილოეთით, ჩრდილოეთ უებ გზასა და ჩრდილოეთ გრინვიჩის გზას შორის, ვიჩიტაში. რადერმა მოკლა იგი 27 აპრილს და მიცვალებული წაიყვანა ლუთერანულ ეკლესიაში, სადაც იგი საეკლესიო საბჭოს პრეზიდენტი იყო. მან რამოდენიმე ფოტო გადაუღო მსხვერპლს სხვადასხვა პოზაში, შემდეგ კი ცხედარი შორეულ თხრილში გადააგდო.

რადერზე აგრეთვე 80-90 იან წლებში შემაკავებელი ორდერი იყო გამოწერილი, რადგან ის სხვადასხვა ქალბატონს უთვალთვალებდა. ერთ-ერთმა მათგანმა მისამართიც შეცვალა, რათა თავიდან აეცილებინა პრობლემები.

მისი ბოლო მსხვერპლი, დოლორეს ე. დევისი, იპოვეს 1991 წლის 1 თებერვალს, დასავლეთის 117-ე ქუჩის ჩრდილოეთ და ჩრდილოეთ მერიდიანის ქუჩაზე პარკ სიტიში. რადერმა 19 იანვარს მოკლა იგი.

რადერი დააკავეს 2005 წლის 25 თებერვალს მის სახლთან ახლოს მანქანის მართვის დროს.

რობერტ მენდოზას შეფასება

მასაჩუსეტსის ფსიქოლოგი რობერტ მენდოზა დაიქირავა რადერის სასამართლოს მიერ დანიშნულმა სახალხო დამცველებმა, რათა ჩაეტარებინათ რადერის ფსიქოლოგიური შეფასება. მენდოზამ რადერს დაუსვა დიაგნოზი ნარცისული, ანტისოციალური და ობსესიურ-კომპულსიური პიროვნული აშლილობით: მან შენიშნა, რომ რადერს აქვს საკუთარი თავის გრანდიოზული გრძნობა, რწმენა, რომ ის არის "განსაკუთრებული" და ამიტომ აქვს სპეციალური მოპყრობის უფლება; ყურადღებისა და აღტაცების პათოლოგიური მოთხოვნილება; საზრუნავი ხისტი წესრიგისა და სტრუქტურის შენარჩუნებით; და თანაგრძნობის სრული ნაკლებობა.