საზოგადოებრივი ყველაზე უკეთ რა გამოგვდის და რა შეგვიძლია ქართველებს? 2023, 23 მაისი, 20:32 ვინ ვართ ჩვენ?
ჩავეცით ზურგში მახვილი ვახტანგ გორგასალს. მოვკალით ილია. პოეზიის პრინცი ნიკოლოზ ბარათაშვილი განჯის მაზრაში კლერკად ვამუშავეთ, რადგან ვერ გავიგეთ და ვერ შევაფასეთ სიცოცხლეში მისი სულის ძახილი.
საქართველოს განძი გავიტაცეთ და გამოვჭამეთ, ბუნდღა არ დარჩებოდა, მისგან, რომ არა ექვთიმე. ფიროსმანს შიმშილით ამოვაძვრეთ სული კიბის ქვეშ. პოეზიის მეფე, გენია - გალაკტიონი თვითმკვლელობამდე მივიყვანეთ.
თვითმკვლელობით დავასრულებინეთ სიცოცხლე პაოლო იაშვილსაც ( კი, სტალინი და ბერია ქართველები იყვნენ)
ტიციან ტაბიძე, მიხეილ ჯავახიშვილი უსაფლავებოდ დავტოვეთ.
თვალები დავთხარეთ ევგენი მიქელაძეს.
ვაწამეთ და დავხვრიტეთ სანდრო ახმეტელი, გერონტი ქიქოძე, დიმიტრი შევარდნაძე, გიორგი ელიავა, ნიკოლო მიწიშვილი. გავაქციეთ და სამშობლოს მონატრებაში ამოვაძვრეთ სული გრიგოლ რობაქიძეს. მგლებს გაგვექცა გიორგი ნაფეტვარიძე,
ჩვენ დავაჭლექეთ ლადო ასათიანი.
მოვკალით მერაბ კოსტავა.
მოვკალით ზვიად გამსახურდია.
ჩვენ! პოსტკრიპტუმ: " მოყვარეს პირში უზრახე, მტერს პირს უკანაო" კიდევ ბევრი გვაქვს "საამაყო". ყველაზე უკეთ ღალატი გამოგვდის! 87 3-ს მოსწონს 2-ს არა
|
  |
Intermedia.ge © 2011-2024 წელი
საავტორო უფლებები დაცულია
 |
