„ნაციონალურ მოძრაობას“ კონკრეტული გადაწყვეტილება აქვს მიღებული, ეს ძალიან კარგად უნდა დაიმახსოვროს ბიძინა ივანიშვილმა და მისმა მარიონეტულმა რეჟიმმა. ამ წუთიდან „ქართული ოცნების“ მაღალი თანამდებობის პირებს არ ექნებათ არანაირი მოსვენება, ამ ბრიფინგის დასრულების შემდეგ, ამას პრემიერი ღარიბაშვილი პირველი იგრძნობს", - ამის შესახებ „ნაციონალური მოძრაობის" თავმჯდომარე ლევან ხაბეიშვილმა ბრიფინგზე განაცხადა, სადაც გაჟღერდა გადაწყვეტილება, რომ პარტია წყვეტს საპარლამენტო საქმიანობას.

ხაბეიშვილის აღნიშნულ განცხადებას საპარლამენტო უმრავლესობის წევრი დიმიტრი სამხარაძე სოციალურ ქსელში ეხმიანება და შემდეგი სახის პოსტს აქვეყნებს:

„ქართული ოცნების" თანამდებობის პირებს ემუქრებიან, ეს მართლა მასხარა ქურქუმალი და მისი სამარცხვინო ფლანგი და ამ დროს, იმდენად არ ჰქონდათ პარლამეტში შემოსვლის ერთი ადგილი, საერთოდ გავიდნენ პარლამენტიდან…" - წერს სამხარაძე.