აშშ-ის კოლუმბიის მეტროპოლიტენის ოლქის მოსამართლე ვივიან პოლანია მთელს მსოფლიოში ცნობილი გახდა იმის წყალობით, რომ მან ცოტა ხნის წინ ინტერნეტში თავისი თამამი ფოტოები გამოაქვეყნა. კრიტიკის საპასუხოდ, პოლანიამ განაცხადა, რომ მან ეს გააკეთა, როგორც პასუხი დევნაზე, რომელსაც სისტემატურად განიცდიდა სხვა კოლეგებისგან, რომლებიც მას ადანაშაულებდნენ ცუდ გემოვნებაში და ლამაზად ჩაცმის არცოდნაში.

მოგვიანებით კი მოსამართლე სასამართლო სხდომაზე ნახევრად შიშველი გამოჩნდა.

კოლუმბიის ოლქის წესები კვლავ იძლევა უფლებას მოსმენების დისტანციურად ჩატარდეს. ეს ღონისძიება მოქმედებს COVID-19 პანდემიის დაწყებიდან.

მანქანის განზრახ აფეთქების ბრალდებით საქმის განხილვისას 34 წლის პოლანია კომპიუტერის მონიტორებზე საწოლში ნახევრად შიშველი გამოჩნდა. პოლანია იწვა და სიგარეტს ეწეოდა.

პროცესში ჩართულმა ადვოკატებმა დაუყოვნებლივ გაავრცელეს ვიდეოს ფრაგმენტები და საჩივრით მიმართეს სასამართლოს დისციპლინურ კომიტეტს.

პოლანიას მოვალეობა 3 თვით შეუჩერდა. კომიტეტმა თავისი გადაწყვეტილება იმით ახსნა, რომ პოლანიამ დაარღვია სავალდებულო ჩაცმულობის კოდი, რომელიც „არ შეესაბამება იმ მზრუნველობასა და პატივისცემას, რომელიც მოსამართლემ უნდა გამოხატოს მართლმსაჯულების წინაშე“.