მოგზაურობა რა დოკუმენტაცია სჭირდება არასრულწლოვანს საზღვრის გადასაკვეთად? როგორ დავამოწმოთ დოკუმენტი ნოტარიულად ონლაინ? 2022, 26 ნოემბერი, 18:29 თუ შვილთან ერთად საზღვარგარეთ გამგზავრება გადაწყვიტეთ ან მარტოს უშვებთ ქვეყნის საზღვრებს გარეთ სამოგზაუროდ, საქართველოს კანონმდებლობის თანახმად, გარკვეული საფეხურები უნდა გაიაროთ. დღეს ზუსტად ამ პროცედურებზე დავწერ. როგორც სრულწლოვან, ისე არასრულწლოვან მოქალაქეს საზღვრის გადასაკვეთად საერთაშორისო ბიომეტრიული პასპორტი ესაჭიროება, გარდა გამონაკლისი შემთხვევებისა, როდესაც პირი მიემგზავ რება ისეთ ქვეყანაში, რომელთანაც საქართველოს გამარტივებული სავიზო რეჟიმი აქვს, ასეთ შემთხვევაში საჭიროა ID ბარათი. არასრულწლოვანზე პასპორტი გაიცემა მისი კანონიერი წარმომადგენლების (ანუ ორივე მშობლის) ადგილზე თანხმობის საფუძველზე. თანხმობა შეიძლება გამოიხატოს წერილობით, ნოტარიულად დადასტურებული ფორმით.თანხმობა შეიძლება ასევე გამოიხატოს სააგენტოს უფლებამოსილი პირის წინაშე ელექტრონული კომუნიკაციის საშუალებით. არასრულწლოვან პირზე, საერთაშორისო პასპორტის გაცემა, მხოლოდ ერთი კანონიერი წარმომადგენლის თანხმობით, დასაშვებია მხოლოდ შემდეგ შემთხვევებში:
საჭიროა თუ არა გამგზავრებაზე თანხმობის ნოტარიულად დამოწმება? თუ საქართველოს არასრულწლოვანი მოქალაქე ქვეყნიდან, საერთაშორისო პასპორტის საშუალებით გადის და მას ახლავს ერთ-ერთი მშობელი, მეორე მშობლის ნოტარიულად დამოწმებული თარგმანი საჭირო არ არის, თუმცა აუცილებელია კანონიერმა თანმხლებმა თან იქონიოს ბავშვის დაბადების მოწმობის დამოწმებული თარგმანი, მშობლობის დადასტურების მიზნით. ქვეყნიდან 16 წლამდე არასრულწლოვანი პირის გასვლა სხვა სრულწლოვანის თანხლებით, თუ დროებით გადის ან დამოუკიდებლად ტოვებს ქვეყანას, აუცილებელი წინაპირობაა, ერთ-ერთი მშობლის ნოტარიულად დამოწმებული თანხმობა, რომელშიც აუცილებლად უნდა იყოს მითითებული, ქვეყანა, რომელშიც არასრულწლოვანი მიემგზავრება და მოგზაურობის თარიღები. თანხმობასთან ერთად, სასაზღვრო დეპარტამენტს უნდა წარუდგინოთ დაბადების მოწმობა და მშობლების პასპორტის ასლები. აუცილებელია ყველა დოკუმენტი გადათარგმნილი იყოს ინგლისურ ენაზე, შემდგომ კი ნოტარიულად დამოწმებული. წესრიგში უნდა იყოს სხვა დოკუმენტები, რომლებიც იმ ქვეყნის საზღვრის გადასაკვეთადაა საჭირო, რომელშიც არასწრულწლოვანი მიემგზავრება. მაგ. ვიზა, სამოგზაურო დაზღვევა, მოწვევა, სასტუმროს ჯავშანი და სხვ.. როგორ ვთარგმნოთ და დავამოწმოთ არასრულწლოვნის მიერ საზღვრის გადაკვეთისთვის საჭირო დოკუმენტაცია? არასრულწლოვანი პირისთვის საზღვრის კვეთისთვის საჭირო დოკუმენტაციის თარგმნა და ნოტარიულად დამოწმება შესაძლებელია საიტზე: https://online.translate.ge/. ნებისმიერი სირთულის ქართულენოვანი დოკუმენტი, ცხრა ენაზე შეგიძლიათ თარგმნოთ. გაითვალისწინეთ, რომ არასრულწლოვანი პირის მიერ, საზღვრის კვეთისთვის საჭირო დოკუმენტაცია ინგლისურენოვანი და ნოტარიულად დამოწმებული უნდა იყოს. 32 შეფასება არ არის
|