გაბედული ანდრე ჰარტმანი
ყოფილი მეთევზეა, რომელიც ზვიგენებს სატყუარათი იზიდავს და შემდეგ მათ სიზმრისებრ ტრანსში აგდებს. ამას კი ანდრე ზვიგენის მგრძნობიარე ცხვირზე შეღიტინებით ახერხებს. ზვიგენის
ცხვირზე მრავალი ნერვული დაბოლოებაა, და მათი შეღიტინებით ხდება სენსორული სისტემის გადატვირთვა. ამერიკელმა ფოტოგრაფმა დოუგ პერინმა ანდრე ჰარტმანს
ფოტოები გადაუღო იმ დროს, როდესაც ის სამხრეთ აფრიკაში, კეიპის
პროვინციაში, ზვიგენს „აჯადოებდა“. ფოტოგრაფმა თქვა: „ სტიმულის წყაროს მინდობილი ზვიგენი თითქოს სასიამოვნო, მაგრამ დაბნეულ მდგომარეობაში იმყოფებოდა. ასე რომ არ არსებობს საფუძველი, რომ ის ვინმეს თავს დაესხას.“დოუგმა ასევე დაამატა: „მართალია ანდრე თავიდან შეშინებული იყო, მაგრამ მერე
მიხვდა, რომ ზვიგენების მიზანი არ არის ადამიანებზე ნადირობა, და
შესაძლებელია მათთან ინტერაქცია მცირე საფრთხის პირობებში, როდესაც ჩაწვდები მათთან კომუნიკაციის გზებს.“
ექსპერტების თქმით, ზვიგენები
ბუნებრივად ჭკვიანი და ცნობისმოყვარე არსებები არიან, მაგრამ მათ ცუდი სახელი აქვთ, რაც ისეთი ფილმების დამსახურებაა, როგორიცაა მაგალითად „ყბები“.