ქრთამი, მეძავები და სახელმწიფო საიდუმლოების გაყიდვა: აშშ-ს საზღვაო ძალებში კორუფციული სკანდალი გრძელდება

სხვა

ქრთამი, მეძავები და სახელმწიფო საიდუმლოების გაყიდვა: აშშ-ს საზღვაო ძალებში კორუფციული სკანდალი გრძელდება

2022, 29 იანვარი, 13:22

აშშ-ში საზღვაო ძალების ოფიცრები როკ ვარსკვლავებივით ცხოვრობდნენ.

სტივენ შედმა, აშშ-ის მეშვიდე ფლოტილის უფროსმა ოფიცერმა, რომელიც ბაზირებდა ოკინავაში(იაპონია), აღიარა, რომ კონტრაქტორ ლეონარდ გლენისგან 250, 000 დოლარის ნაღდი ფული და მეძავები მიიღო საიდუმლო ინფორმაციის გადაცემის სანაცვლოდ.

სტივენ შედი არის მესამე ოფიცერი, რომელიც ბრალდებულია კორუფციაში და აღიარა დანაშაული. დიდი ალბათობით ის არ იქნება უკანასკნელი.

მალაიზელი ლეონარდ ფრენსის გლენი, (მთავარ ფოტოზე მარცხნივ)მეტსახელად "მსუქანი ლეონარდი"(Fat Leonard), ორი მეტრის სიმაღლის და 130 კილოგრამი წონის, ხელმძღვანელობდა აზიურ თავდაცვის კომპანიას და მეშვიდე ფლოტის ოფიცრების დახმარებით, აშშ-ს სამხედრო უწეყებიდან მოხერხა დაახლოებით 35 მილიონი აშშ დოლარის თაღლითური გზით მითვისება.

პატივი უნდა მივაგოთ გლენს - გულუხვად უზიარებდა ფლოტის მაღალჩინოსნებს ქრთამს სამხედრო საიდუმლოების სანაცვლოდ, ქირაობდა ოთახებს მსოფლიოს ყველაზე მდიდრულ სასტუმროებში, აწყობდა გრანდიოზულ სექს-წვეულებებს ელიტარული მეძავების თანხლებით . თავად "მსუქანი ლეონარდის" თქმით, საზღვაო ოფიცრები, რომლებთანაც ის თანამშრომლობდა, „როკ-ვარსკვლავებივით“ ცხოვრობდნენ.

გლენმა ისაუბრა აღვირახსნილ ორგიაზე, რომელიც მან მეძავებთან ერთად გამართა ხუთვარსკვლავიან სასტუმროში: ფილიპინების დედაქალაქ მანილაში : ოფიცრების გასახარად მან იქირავა 4000$-იანი ნომერი ოთახი ღამეში, რომელშიც მეორე მსოფლიო ომის დროს ცხოვრობდა და მუშაობდა ამერიკელი გენერალი დუგლას მაკარტური.

აპარტამენტში რომელიც სათუთად ასახავდა გენერლის დროინდელ სამახსოვრო ნივთებს, რომელსაც, "მსუქანი ლეონარდის" თქმით, ოფიცრები სიამოვნებით იყენებდნენ სიყვარულის ქურუმებთან გართობისთვის.

ფოტოზე: დუგლას მაკარტური თავის ცნობილი ჩიბუხით

აშშ-ს საზღვაო ძალებთან დაკავშირებული კორუფციული სკანდალი აშშ-ს საზღვაო ძალების ისტორიაში ერთ-ერთ ყველაზე მსხვილად ითვლება:

ამ საქმეში ცხრა მაღალი რანგის ოფიცერია გარეული, რომელთაგან ნაწილმა უკვე აღიარა დანაშაული. გლენი 2013 წელს დააკავეს, ოფიცრები კი რამდენიმე წლის შემდეგ. მთლიანად დაკავებულია 31 სამხედრო.

თავად "მსუქანი ლეონარდი", რომელსაც ახლახან თირკმლის კიბოს დიაგნოზი დაუსვეს, თქვა, რომ არავისზე ხელის დაფარებას არა აპირებს.

-მე ვადგენდი საჩუქრების სიას, მეძავების მოყვარულთა სიას, იმათ სიას, ვინც ფულს იღებდა. ყველაფერი ეს გავითვალისწინე.-განაცხადა "მსუქანმა ლეონარდმა".