საზოგადოება სკოლის მოსწავლეებს ქალიშვილობაზე მასობრივად ამოწმებენ 2018, 26 აპრილი, 22:27 ქალიშვილობის ინსტიტუტის კიდევ უფრო განმტკიცების და ტრადიციების დაცვის მორიგი მცდელობა. უზბეკეთის ქალაქ ანდიჯანში სკოლის მოსწავლეებს მასობრივად ამოწმებენ ქალიშვილობაზე. ამის შესახებ „რადიო თავისუფლების“ ადგილობრივი ბიურო იუწყება. როგორც ირკვევა სკოლებში დადიან ექიმები ახლომდებარე პოლიკლინიკებიდან და მოსწავლეებს ულტრაბგერით გამოკვლევებს უტარებენ, თანაც საფასურსაც ახდევინებენ. ამ შემოწმების მიზეზი 13 წლის გოგოს მედიკოსებთან მიმართვა გახდა, რა დროსაც გაირკვა, რომ ის ფეხმძიმობის მე-18 თვეში იყო. ის 60 წლის ბიძამ (დეიდის ქმარმა) გააუპატიურა, რომელიც ახლა რუსეთში სამუშაოდ იმყოფება. ეს საკმაოდ გახმაურებული საქმეა, რომელზეც ბოლო ხანს ადგილობრივი მედია ხშირად საუბრობს. მოძალადის მიმართ სისხლის სამართლის დევნა დაწყებულია. მას 15-20 წლამდე თავისუფლების აღკვეთა ემუქრება. სწორედ ამ ფაქტებს უკავშირებენ ადგილობრივები იმას, რომ სკოლებში გოგონებს ქალიშვილობაზე შეამოწმებენ. 1041 3-ს მოსწონს 1-ს არა
|