შობადობის შემცირების მიუხედავად, დედამიწის მოსახლეობა ახლანდელი 7, 6 მილიარდიდან 2050 წელს 9, 8 მილიარდს, ხოლო 2100 წელს 11, 2 მილიარდს გადააჭარბებს – ნათქვამია გაეროს ეკონომიკისა და სოციალური საკითხების დეპარტამენტის მოხსენებაში.

გამოკვლევების თანახმად პლანეტაზე მოსახლეობის მატება ძირითადად 47 ყველაზე განუვითარებელი ქვეყნის ხარჯზე მოდის, სადაც შობადობა ერთ ქალზე 4, 3 ბავშვს უტოლდება.

გაიზრდება მოხუცებულთა რიცხვი, 60 წელზე მეტი ასაკის მოსახლე 2100 წლისათვის 3 ჯერ გაიზრდება და 3, 1 მილიარდი გახდება.

სწრაფად იზრდება ინდოეთის მოსახლეობა, 2024 წელს ის გაასწრებს ჩინეთს და 1, 4 მილიარდი გახდება.

ექსპერტების აზრით 2050 წლისთვის ამერიკის შეერთებული შტატები დაკარგავს მესამე ადგილს, რომელსაც ახლა მეშვიდე ადგილზე მყოფ ნიგერიას დაუთმობს.