ნინი ქარსელაძის ინტერვიუს, გადაცემაში "მძიმე კაცთან" დიდი გამოხმაურება მოჰყვა. მომღერალმა აღიარა, რომ სამშობლოზე მეტად ბევრი რამ უყვარს, მაგალითად შოკოლადი. ამ ინტერვიუსა და კონკრეტული ფრაზის გამო ნინი საზოგადოების დიდმა ნაწილმა გააკრიტიკა.

"გადაცემა "მძიმე კაცთან", ჩემი ინტერვიუს მერე ვკითხულობ კომენტარებს. დღევანდელი გადმოსახედიდან ვთვლი, რომ მხოლოდ იმ თბილი სიტყვებისთვის, ადეკვატური და ობიექტური შებასებებისთვის, რომლებიც არა მხოლოდ ჩემი საყვარელი ადამიანებისგან მივიღე (რომელთა აზრიც ჩემთვის ყველაზე მნიშვნელოვანია) არამედ უცნობი ადამიანებისგან, რომლებთანაც არასოდეს არანაირი შეხება და პირადი ურთიერთობა არ მქონია, ღირდა იქ მისვლად. დიდი მადლობა ყველას, ვინც ეს გადაცემა ობიექტურად შეაფასა. რაც შეეხება სამშობლოს და შოკოლადს. მე არ მივიღე თქვენი უარყოფითი შეფასებები. მიმაჩნია, რომ ჩემი პასუხი იყო გულრწფელი სხვებისგან განსხვავებით.ის ადამიანები, რომლებიც ბრტყელ-ბრტყელი სიტყვებით ამტკიცებენ სამშობლოს თავდადებულ სიყვარულს, მგონია რომ უბრალოდ იტყუებიან და თამაშობენ პუბლიკაზე. რომელ სამშობლოს სიყვარულზე მელაპარაკებით, რომელსაც მუდმივად ლანძღავთ და გაქცევაზე ხართ? არამგონია თქვენ იყოთ მხოლოდ სამშობლოს სიყვარულით დაკავებული.ასე, რომ თქვენი ცინიზმი, სარკაზმი და მარო მაყაშვილის როლები თქვენთვის დაიტოვეთ.

P.S. ის ადამიანები, ვისი ვალიც არის სამშობლოზე და მის უკეთეს მომავალზე ფიქრი, ვერ ვხედავ, რომ იკლავდნენ თავს. მოკლედ, შეგიძლიათ უსასრულოდ ისაუბროთ ამ გადაცემაზე"-წერს ნინი სოციალურ ქსელში.

"კარგით რაა, სირცხვილია და ძალიან დიდი ტყუილი იქნება ახალგაზრდა გოგომ რომ თქვას სამშობლო მიყვარსო.

24 წლის გოგო ვარ და სამშობლოსთვის თავის გაწირვა დაუჯერებელია, არ მიყვარს სამშობლო, ჰო რაა, შოკოლადი სამშობლოს მირჩევნია"-დასძინა მოგვიანებით მომრერალმა.