თამაზ ელიზბარაშვილის ძაღლების თავშესაფრის ფეისბუქ გვერდზე ვკითხულობთ:
„ჩვენი მკითხველის წერილებიდან და სატელეფონო ზარებიდან გამომდინარე ჩანს, რომ ინტერესს იწვევს გუშინ ხარაგაულის რაიონის სოფელ ზვარეში მომხდარი ვანდალური ფაქტი.
შეგახსენებთ, რომ იქ დასახლებულმა ჩინელებმა ქართველი მოქალაქის ოთხფეხა მეგობარი ელექტროსაყელურით მოკლეს, მისი ხორცი კი სადილად მიირთვეს.
ძაღლის პატრონმა, ბატონმა გურამ ქურდაძემ, მაშინვე დარეკა საპატრულო პოლიციაში. თითქმის საათნახევრის განმავლობაში ეკიპაჟი რომ არ მივიდა შემთხვევის ადგილზე, ამის შემდეგ დაუკავშირდა ის ცხოველთა დამცველ თამაზ ელიზბარაშვილს.
ბატონი თამაზის 112-ის ოპერატორთან საუბრის შემდეგ ნახევარ საათში საპატრულო ეკიპაჟი და ხარაგაულის რაიონის პოლიციის უფროსი უკვე ადგილზე იყვნენ.
დღეს მთელი დღის განმავლობაში მიმდინარეობდა მოწმეებისა და ეჭვმიტანილების დაკითხვა. როგორც ამ საქმის გამომძიებელი ვეფხია ჩუბინიძე ამბობს, მიმდინარეობს გამოძიება, ხოლო დეტალებზე საუბარი მას წინასწარ არ სურს.
დღეს ასევე დავუკავშირდით სოფელ ზვარეს მაჟორიტარ დეპუტატს, ბატონ ვლადიმერ ტალახაძეს:
“პირადად მე გუშინდელ ინციდენტთან დაკავშირებით არაფერი ვიცი დაზუსტებით, მაგრამ ვიცი ის, რომ ჩინელები 2011 წლიდან აშენებენ სარკინიგზო გვირაბს. მათ თავიანთი საცხოვრებლები ააგეს სწორედ იმ ადგილას, სადაც მოგვეპოვება უნიკალური მინერალური წყლები. გვირაბის მშენებლობის გამო მიმდინარეობს აფეთქებები, რითაც შესაძლოა, სრულიად დაუკარგონ მინერალურ წყალს თავისი შემცველობა და უნიკალურობა. 2012 წლიდან ადგილობრივების გაპროტესტებით მათ წინააღმდეგ აღიძრა სისხლის სამართლის საქმე. ამის შემდეგ მათ შეუცვალეს მიმართულება გვირაბს, მაგრამ მათი საცხოვრებლები კვლავ იმავე ადგილზე რჩება.
რაც შეეხება გუშინდელ ფაქტს, ჯერ-ჯერობით დანამდვილებით ვერაფერს გეტყვით.“ - გვითხრა ბატონმა ვლადიმერმა.
თუ როგორ განვითარდება მოვლენები, აუცილებლად ვაცნობებთ ჩვენს მკითხველს“.
და საერთოდ, ყველას ვურჩევ ვეგეტარიანელი გახდეს.