ჟურნალისტი დ გაზეთ "ქრონიკა +" -ის მთავარი რედაქტორი ელისო კილაძე სოციალურ ქსელში პოსტს აქვეყნებს და სახელისუფლებო პარტიის წარმომადგენლებს საჯაროდ მიმართავს. კილაძის თქმით, დღეს, სამტრედიაში, შებინდებისას კონკრეტულ ადგილებზე წინასაარჩევნოდ მოსახლეობისთვის ფულის დარიგება იგეგემება, ამიტომ ის ხელისფლებას აფრთხილებს, რომ დღეს და ხვალ მათ ამ "ტოჩკებზე" თავად მიაკითხვს და ვანში, სამტრედიაში, ხონსა და წყალტუბოში მმართველ პარტიას არჩევნების ყიდვის საშუალებას არ მისცემს: "სამტრედია მოვიარე - ფულის დარიგება იგეგმება დღეს, შებინდებისას ! ყველა თქვენი "ტოჩკა" ვიცი, ქოცებო ! ყველგან მოგაკითხავთ დღეს და ხვალ - ვანში, სამტრედიაში, ხონში და წყალტუბოში! ვერ იყიდით არჩევნებს! #ნანუკაპარლამენტში"- დაწერა "ფეისბუქის" პირად გვერდზე ელისო კილაძემ.