სიმპტომების (ხველა, სუნთქვის გაძნელება, მაღალი ტემპერატურა) შემთხვევაში დაუყოვნებლივ მიმართეთ უბნის ექიმს ან უახლოეს პოლიკლინიკას. გახსოვდეთ, რომ ყოველი წუთი ძვირფასია.

თავი დაანებეთ თამბაქოს მოხმარებას და მაქსიმალურად შეზღუდეთ მაგარი ალკოჰოლური სასმელების მიღება. ყურადღება მიაქციეთ პირად ჰიგიენას (ხელების დაბანა, კბილების გამოხეხა) და უშუალო კონტაქტი სხვა ადამიანებთან ნაკლებად იქონიეთ.

გახსოვდეთ, რომ კორონავირუსის შედეგად გამოწვეული სიკვდილიანობა მართალია, არ არის მაღალი – სხვადასხვა მონაცემებით მაქსიმუმ 5 %-მდე მერყეობს, შეაბამისად, მისი აღმოჩენა სასიკვდილო განაჩენს არ ნიშნავს, მაგრამ სამწუხაროდ მას მაინც ახასიათებს სიკვდილიანობა და ამიტომ მაქსიმალურად იზრუნეთ იმაზე, რომ თავად არ გახდეთ ეპიდაფეთქების წყარო. ყველაზე საშიში ამ ვირუსს ის აქვს, რომ ძალიან სწრაფად ვრცელდება. ამიტომ პანიკას ნუ მივეცემით, მაგრამ არც სრული უდარდელობა იქნება გამოსავალი. დროული პრევენციით და საღი, რაციონალური მიდგომით აუცილებლად დავამარცხებთ ნებისმიერ დაავადებას.