საზოგადოება „ჩემი ნიკუშა აღარ მყავს! თავს ვერ ვპატიობ...“- მევლუდ მელაძის ემოციური პოსტი 2019, 19 აპრილი, 0:33 თბილისში, რამდენიმე დღის წინ მომხდარ ავარიას "აგროჰაბის" მარკეტინგის მენეჯერის სალომე გველესიანისა და საავტომობილო ფედერაციის ვიცე-პრეზიდენტის მევლუდ მელაძის 16 წლის შვილი ემსხვერპლა. ცოტა ხნის წინ, მელაძემ სოციალურ ქსელში ემოციური პოსტი გამოაქვეყნა: „ჩემი ნიკუშა აღარ მყავს! თავს ვერ ვპატიობ. ალბათ მისთვისაც და ყველასთვის ათასგზის უნდა ამეხსნა, რომ უკანა სავარძელზე ჯდომა და უკიდეგანოდ სწორი გზა ვერაფერი გარანტიაა როდესაც სიჩქარეც უკიდეგანოდ მაღალია. უნდა ამეხსნა, რომ არ არის სირცხვილი უარი თქვა სასიკვდილო თამაშებზე, უნდა მეყვირა, რომ უფროსებს გადაემალათ ავტომობილების გასაღებები თინეიჯერი ბავშვებისთვის, უნდა მებღავლა, რომ ყველა BMW პოტენციური მკვლელია და მასთან ახალგაზრდების მიკარება მათი სამიზნედ ამოღების ტოლფასია. დავაგვიანე და ეზოში ბურთის სათამაშოდ ჩასული მეათე კლასელი მიწას მივაბარე. მოსისხლე მტერსაც არ ვუსურვებ ამ სიმწარის გემოს გაგებას“, -წერს მევლუდ მელაძე. 103 შეფასება არ არის
|