საქართველოს ექს-პრეზიდენტი მიხეილ სააკაშვილი თავისი ყოფილი თანაგუნდელის გიგი უგულავას მიერ ''რუსთავი-2''- ის ეთერში გაკეთებულ განცხადებას ეხმიანება და ამბობს, რომ მკვდარიც კი აჯობებს ცოცხალ უგულავას. მან ამის შესახებ საკუთარ ფეისბუქ-გვერდზე სტატუსის სახით გააკეთა შემდეგი განცხადება:

''გუშინ გიგი უგულავა გვარამიასთან სულ იმეორებდა "არაა სააკაშვილი ფორმაშიო"..რა თქმა უნდა, მუდმივად საჭიროა საკუთარ თავზე მუშაობა, და ძვირფასო გიგი, გისურვებ კიდევ 100 წლის სიცოცხლეს ამასთანავე მეც არ ვაპირებ ჯერ სიკვდილს, მაგრამ დაიმახსოვრე, მკვდარი უფრო კარგ ფორმაში ვიქნები, ვიდრე შენ და შენი ზოგიერთი კოლეგა შემდეგი 100 წლის მანძილზე

"ათას ცოცხალსა ბევრჯერა,
ასჯერ სჯობს ერთი მკვდარია".

მიხეილ სააკაშვილის ამ განცხადებას გიგი უგულავა გამოეხმაურა და კომენტარის სახით ასე უპასუხა ექს-პრეზიდენტს:

''მე მხოლოდ გამიხარდება თუ კარგ ფორმაში იქნები და მკვდართან შეჯიბრი არ მომიწევს. საუკეთესო სურვილებით".