საზოგადოება ბავშვები, რომლებიც ქუჩაში მუშაობენ და ცხოვრობენ 2019, 23 იანვარი, 15:30
ბავშვების შესახებ, რომლებიც ქუჩაში ცხოვრობენ, მსოფლიო მონაცემები ასეთია: იუნისეფის, შრომის საერთაშორისო ორგანიზაციისა და მსოფლიო ბანკის მონაცემებით, 5-დან 17 წლამდე ასაკის 168 მილიონი ბავშვია ჩართული შრომაში. აქედან, მილიონობით ბავშვი მონურ პირობებში იმყოფება - ზოგს იძულებით ამუშავებენ, ზოგს ნარკოტრეფიკინგში რთავენ, ზოგზე კი სექსუალურად ძალადობენ. ბოლო წლების სტატისტიკის თანახმად, ბავშთა შრომის შემთხვევები მსოფლიოში კლებულობს, მაგრამ მეტისმეტად ნელა - 2020 წლისათვის 100 მილიონ ბავშვზე მეტი იქნება იძულებითი შრომის მსხვერპლი. საქართველოში, საქსტატისა და შრომის საერთაშორისო ორგანიზაციის 2015 წლის კვლევის თანახმად, 24 400 ბავშვი მუშაობს, 15 600 კი სახიფათო შრომაშია ჩართული - უმეტესობა სოფელში ცხოვრობს და შრომას უკიდურესი საღარიბე აიძულებს. დღეს ქალაქის ქუჩებში მცხოვრებ და მომუშავე ბავშვებზე გეტყვით. ინფორმაცია მთლიანად აღებულია იუნისეფის მიერ 2018 წლის გაზაფხულზე გამოქვეყნებული კვლევიდან „ქუჩაში მცხოვრები და/ან მომუშავე ბავშვები საქართველოში“. 72 შეფასება არ არის
|