პროფილაქტიკა როგორ გავუფრთხილდეთ გულს 2018, 26 სექტემბერი, 18:30 დღეში ერთი ჭიქა წითელი ღვინო ადამიანს ინფარქტისგან იცავს.ხელს უწყობს სისხლის მიმოქცევას ასევე გიმაღლებთ განწყობილებას და სხეულს მოდუნების საშუალებას აძლევს.3ჭიქაც არ იქნება ურიგო, ეს დამოკიდებულია ინდივიდის სხეულზე. თუ კვირაში ოთხ ნაჭერ თევზს მიირთმევთ, საშუალოდ 44%-ით შეამცირებთ მიოკარდიუმის ინფარქტის განვითარების რისკს. ეს დასკვნა სამედიცინო ექსპერიმენტის შთამბეჭდავ შედეგებს ეყრდნობა - ექიმები 30 წელი აკვირდებოდნენ ორი ათასი მოხალისის ჯანმრთელობას. აღსანიშნავია აგრეთვე “გრენლანდიური ფენომენიც” - ზღვისპირა ქვეყნების მკვიდრ მოსახლეობას ხომ პრაქტიკულად არ აწუხებს გულ-სისხლძარღვთა სისტემის დაავადებები. დღეში ხუთი კაკალი სიცოცხლეს შვიდი წლით ახანგრძლივებს. ამას ამტკიცებს კალიფორნიის უნივერსიტეტის პროფესორი ჰარი ფრეზერი. მისი გამოკვლევების თანახმად, ნიგოზში უხვადაა ნივთიერებები, რომლებიც გულსა და სისხლძარღვებს ქოლესტერინის მავნე ზემოქმედებისგან იცავს. გულის კატასტროფის ალბათობა 3-ჯერ მცირდება, თუ ადამიანი ყოველ დილა-საღამოს აივლის და ჩაივლის კიბეს.კიბეზე რეგულარული ასვლა-ჩასვლა ხელს უწყობს ვენური სისხლის გადატუმბვას, რაც მიოკარდიუმის მუშაობას აუმჯობესებს. პულსი, რომ არაფერი ვთქვათ სტრესსა და ძლიერ ემოციაზე, უმნიშვნელო ფიზიკური დატვირთვის დროსაც კი ჩქარდება. ამ დროს სასურველია ბანანით პირის ჩატკბარუნება. ბანანი ნერვულ სისტემას ენერგიით ამარაგებს, აღადგენს ორგანიზმში კალიუმის ბალანსს, ხელს უწყობს გულის კუნთში ცილოვანი ნაერთების შენარჩუნებას და მწყობრში აყენებს მაჯისცემას.
90 1-ს მოსწონს
|
  |
Intermedia.ge © 2011-2024 წელი
საავტორო უფლებები დაცულია
 |
