5 სექტემბერს მოსკოვში, სკოლკოვის ქუჩაზე გამვლელმა მობილურით გადაიღო, თუ როგორ სასტიკად სცემს დედა ბავშვს და როგორ ემუქრება, რომ ჩააბარებს მას ორგანოების დონორად.

სოციალურ ქსელებში ჩანაწერს ერთ კვირაში უკვე 400 ათასი მნახველი ჰყავს.

ინტერნეტ-მომხმარებლის გარდა მასალით დაინტერესდნენ სამართალდამცავები. ვიდეოჩანაწერის მიხედვით აღიძრა სისხლის სამართლის საქმე. მაქსიმალური სასჯელი, რომელიც შეიძლება დაეკისროს დედას, ვერონიკა ფილიპოვას - 2 წლით თავისუფლების აღკვეთაა.

საგულისხმოა, რომ 32 წლის ფილიპოვა თავად არის ახლო წარსულში პოლიციელი - აქვს ლეიტენანტის ჩინი, მაგრამ განთავისუფლებულია შინაგან საქმეთა ორგანოებიდან სამსახურებრივი დისციპლინის დარღვევის გამო.