18 ოქტომბერს პროექტ "Хочу в ВИА ГРУ"-ს დასკვნითი შოუ გაიმართა, სადაც კონსტანტინ მელაძეს უნდა გადაეწყვიტა, გოგონათა რომელი გუნდი გახდებოდა ახალი "ვიაგრა":ნადეჟდა გრანოვსკაია-მეიხერის გუნდი (მიშა რომანოვა, ერიკა გერცეგი და ანასტასია კოჟევნიკოვა) თუ ალიონა ვენიცკაია/ანა სედაკოვას გუნდი (დიანა ივანიცკაია, მარია გონჩარუკი, იულია ლაუტა).

გადამწყვეტი ბოლო გამოსვლისათვის, სადაც გოგონებს მელაძის აკომპანიმენტით მოუხდათ სიმღერების შესრულება, ნადეჟდა მეიხერის გუნდს კომპოზიტორმა თავისივე სიმღერა Опять Метель შეურჩია. გოგონებმა დავალებას თავი მშვენივრად გაართვეს. მელაძემ საბოლოო გადაწყვეტილების მიღება საზოგადოებას მიანდო. ამგვარად, "ვიაგრას" ახალი შემადგენლობა გალა-კონცერტზე გახდება ცნობილი.