სოციალურ ქსელებში უჩვეულო ვიდეო გავრცელდა. უცნობია მისი გადაღების თარიღი, თუმცა ბლოგ blog.anuna.ge-ზე ვიდეო 3 იანვარსაა ატვირთული. ვიდეოში, რომელიც გორშია გადაღებული, 30-მდე ადამიანი ჩანს, რომლებიც სულის მოსახსენიებელ ლოცვებს კითხულობენ და საგალობლებს მღერიან. ერთ-ერთ მათგანს ხელში "ხატი" უჭირავს - თუმცა სურათს ხატი პირობითად შეიძლება ეწოდოს, რადგან მასზე სავარაუდოდ გამოსახულია ყირიმის კონფერენციის ცნობილი ფოტოს გმირები: იოსებ სტალინი, უინსტონ ჩერჩილი და ფრანკლინ რუზველტი. სამივე მათგანი სურათზე შარავანდედით არის გამოსახული.