დასრულდა საქართველოს ჩემპიონატი ბერძნულ რომაული სტილით ჭიდაობაში. ქვეყნის მთავარ შეჯიბრზე ნაკრების ლიდერების გვერდით ახალბედა ფალავანებიც გამოჩნდნენ, რომლებმაც ოლიმპიური თამაშების მონაწილეები მედლების გარეშე დატოვეს. რამდენიმე ოლიმპიელმა კი ტრავმის გამო ვერ იჭიდავა. ასპარეზობას მხოლოდ სპორტული დაპირისპირების ფონზე არ ჩაუვლია, ერთ-ერთ ეპიზოდში მსაჯების გადაწყვეტილებით უკმაყოფილო გულშემატკივრებსა და სპორტსმენებს შორის ჩხუბი მოხდა.