აბა, ვის გიყვართ შემოდგომა? ეს ტკბილი, მყუდრო, ცოტათი მელანქოლიური და რატომღაც იდუმალი სეზონი... სეზონი? არა, ეს გრძნობაა, ულამაზესი ფერია, რომელსაც ვერც ერთი მხატვარი ვერ შექმნის... სითბო და სიმყუდროვეა, რომელიც ნელ-ნელა იღვრება ჩვენს სულებში. შემოდგომაზე გარემო იცვლება, ჩვენც თითქოს სხვა ადამიანები ვხდებით. ისე, უცნაურია, არა? შემოდგომა ულამაზესია, მიუხედავად იმისა, რომ გარშემო ყველაფერი კვდება... მაგრამ, აბა დაფიქრდით, მთვარე თუ არ ჩავიდა, მზე გამოანათებს? ღამეს განთიადი მოსდევს უკან... შემოდგომა საუკეთესო დროა, რომ ჩვენში ახალი "მე" აღმოვაჩინოთ, ამისთვის კი შემდეგ რჩევებს გთავაზობთ:

1.შემოდგომაზე ყველას მელანქოლია გვეძალება, თითქოს მუდამ დაღლილები ვართ და გავურბივართ ყველას, საკუთარი თავის ჩათვლით. სადღაც ამოვიკითზე, რომ სულის რაღაც ნაწილი ადრევე მივატოვეთ. ეს ის "მე"–ა რომელიც დიდი ხნის მანძილზე უარყოფილად გრძნობდა თავს. ის სავსეა შიშებით, თუმცა თუ თქვენ არ მიიღებთ თქვენი სულის დაზიანებულ ნაწილს, უბრალოდ ისუნთქებთ, მაგრამ ვერ იცხოვრებთ. შემოდგომა საუკეთესო დროა მის საპოვნელად. წადით, მარტო გაუყევით ოქროსფერი ფოთლებით მოფენილ გზას და საკუთარ თავს უსმინეთ, გული გადაუშალეთ და ის თავად გიპოვნით.

2.გაიქეცით და ჩახტით ფოთლების გროვაში! როგორ ფიქრობთ, ქარი მათ სათითაოდ რისთვის აგროვებს?

3.უსმინეთ წვიმას. ზოგი ადამიანი გრძნობს მას, სხვები კი უბრალოდ სველდებიან...

4. იხტუნავეთ გუბეებში! შემოდგომა, ჩვეულებრივ ის სეზონია, როცა დედაჩემს ვერაფრით ვუხსნი, რატომ ვარ მუხლებამდე სველი...

5. შეაგროვეთ ფოთლები ( მე ჯერაც შემომრჩა წინა წელს დაკრეფილი)! არაფერი ისე არ აგიმაღლებთ განწყობას, როგორც მათი დანახვა

6.იკითხეთ წიგნები და მიირთვით ყავა/ჩაი და მიაყოლეთ საყვარელი სასუსნავი

7.გაისეირნეთ თქვენს ოთხფეხა მეგობართან ერთად! გყავთ ფუმფულა პატარა? მაშ, რაღას უცდით? წადით, ისეირნეთ თავგადასავლები ახლა იწყება!

ეს ფოტო ძალიან მიყვარს8. გადაიღეთ უამრავი ფოტო!

9.წადით კაფეში და თან წაიღეთ ბლოკნოტი. წერეთ და საყვარელი"სისუსტე" შეხუხნეთ)

10. თუ ამის შესაძლებლობა არსებობს, დაკრიფეთ ხილი პირდაპირ ხიდან და პირი ჩაიტკბარუნეთ. შემოდგომაზე ხომ ბუნება განსაკუთრებით გულუხვია

11. მოაწყვეთ პატარა "ლაშქრობა" მეგობრებთან ერთად, დაანთეთ კოცონი, იმღერეთ და იმხიარულეთ!

12. მოემზადეთ ჰელოუინისთვის! საქართველოში ეს დღესასწაული თანდათან პოპულარული ხდება, თქვენ რას იტყვით? სახლშიც შეგიძლიათ აღნიშვნა

13. ნახევარი საათი მაინც გაატერეთ სახლში, მყუდროდ, სრულ სიჩუმეში

P.S. რამე განსაკუთრებული მოგონება ხომ არ გაკავშირებთ შემოდგომასთან? აუცილებლად გაგვიზიარეთ

სიყვარულით თქვენი "–გიჟი"

(შეგიძლიათ ნიცა დამიძახოთ)