x
მეტი
  • 29.03.2024
  • სტატია:134043
  • ვიდეო:353919
  • სურათი:508247
ჰოლივუდში მიწვეული პირველი ქართველი ქალი, რომელიც თამარ მეფის პორტრეტის მოდელად გამოიყენეს
image


ამ მომხიბვლელ ქალბატონს ეკრანის მშვენებად მოიხსენიებდნენ. ჩვენთვის იგი ცნობილია ფილმებიდან "ჭრიჭინა "(პროფესორის მეუღლე), "დღე პირველი დღე უკანასკნელი " (დედა) და ა.შ. დაუვიწყარია ასევე ილიკო სუხიშვილთან ერთად მის მიერ უბადლოდ შესრულებული ცეკვა ფილმში "ქეთო და კოტე", სადაც მშვენიერ ქალბატონს პარტნიორობას თავად ილიკო სუხიშვილი უწევდა.



საქართველოს სახალხო არტისტი - ალექსანდრა თოიძე დაიბადა 1907 წელს, ცნობილი მხატვრის, მოსე თოიძისა და ალექსანდრა ნიკიტას ასულ სუდინას ოჯახში. 1924 წელს თბილისის ქალთა გიმნაზიის დამთავრების შემდეგ, სწავლა განაგრძო გ. პერინის საბალეტო სტუდიაში.



image

1929 წელს მიხეილ ჭიაურელის ატელიეში მოწყობილ გამოფენაზე წარმოდგენილი იყო ალექსანდრას ძმის, არანაკლებ ცნობილი მხატვრის, ირაკლი თოიძის მიერ შესრულებული, 17 წლის დის პორტრეტი.


image

ირ.თოიძის ალექსანდრა თოიძის (დის) პორტრეტი. 1924წ. ტ.ზ.


სწორედ ამ პორტრეტის ნახვის შემდეგ გადაწყვიტა რეჟისორმა ი. ჟელიაბუჟსკიმ ალექსანდრა მიეწვია მთავარ როლზე სვანური ლეგენდის მიხედვით გადაღებულ ფილმში დინა ძაძუ. ლეგენდის მიხედვით, ავხორც თავად დადეშქელიანს მოეწონება და მოიტაცებს ახალგაზრდა ქალს, რომელიც სინამდვილეში მისი უკანონო შვილია, თუმცა თავადმა ეს არ იცის. საბოლოოდ ქალი საკუთარი ხელით მოკლავს მამას.


image

ფილმს განსაკუთრებული წარმატება სწორედ ალექსანდრა თოიძის შესანიშნავმა შესრულებამ და, რაც მთავარია, მისმა უბადლო გარეგნობამ მოუტანა. როგორც მსახიობის ახლობლები იხსენებენ, დინა ძაძუ ბევრი ქვეყანის ეკრანებზე გამოვდა, რის შედეგადაც ქართველი მსახიობი ჰოლივუდში, ერთ-ერთ ფილმში მთავარ როლზე მიიწვიეს, თუმცა ალექსანდრამ წასვლა ფეხმძიმობის გამო ვერ შეძლო.


image
28 წლის მანძილზე მსახიობმა 40-მდე თეატრალური როლი განასახიერა, რომელთა შორის ალექსანდრა თოიძის შემოქმედებით მწვერვალად მიჩნეულია უ. შექსპირის ოტელოში განსახიერებული დეზდემონას როლი.


image
არანაკლებ დასამახსოვრებელი იყო მისი შემოქმედება ქართულ კინოშიც:"ქალაქში შესვლა აკრძალულია " (ირინა), "ჟუჟუნას მზითევი" (ჟუჟუნა), :მოგზაურობა არზრუმში" (ნინო ჭავჭავაძე), "გაყრა "(მარო), ჭრიჭინა (ნატო), "დღე პირველი დღე უკანასკნელი "(დედა) და სხვა.


აღსანიშნავია, რომ მოსე თოიძემ თამარ მეფის პორტრეტის შექმნისას მოდელად სწორედ ქალიშვილის სახე გამოიყენა.


image


ალექსანდრა თოიძე გარდაიცვალა 1985 წელს, დაკრძალულია მწერალთა და საზოგადო მოღვაწეთა დიდუბის პანთეონში.



ასევე დაგაინტერესებთ:


1. რატომ დაინტერესდა თამარ მეფით მსოფლიოში ცნობილი ინტერნეტ-ჟურნალი და ჰილარი კლინტონი

image


2. რა იყო ნახატზე, რომლის გამოც სტალინმა გუდიაშვილი კინაღამ დასაჯა - დააკვირდით!

image


3. "დედასამშობლო გვიხმობს" - იცით ვინ არის სინამდვილეში გამოსახული ყველაზე ცნობილ საბჭოთა პალაკატზე?

image


4. ვის სახეს "მალავდა" და რატომ უნდოდათ ყველაზე ცნობილი საბჭოთა ქანდაკების დაბლოკვა - უცნობი ისტორია

image


5. ცნობილი ღირსშესანიშნაობები, რომლებიც სინამდვილეში ყალბია

image


6. ცნობილი ფილმები, რომლებშიც ისტორიული უზუსტობებია "გაპარული"

image


7. სცენები, რომლებიც საბჭოთა ცენზურამ ყველასთვის საყვარელი კომედიებიდან ამოჭრა

image

0
3506
8-ს მოსწონს
ავტორი:natia.a
natia.a
3506
  
კომენტარები არ არის, დაწერეთ პირველი კომენტარი
0 1 0