ბევრმა ადამიანმა არც კი იცის, კონკრეტულად რა ადგილებში და რამდენი სამხედრო ბაზა აქვს რუსეთს ჩვენს ტერიტორიაზე. არც ის იცით, რომ ეს ყველაფერი თქვენს გვერდით, თქვენს სახლთან ახლოს ხდება! რამდენიმე დღის წინ, გორის რაიონის სოფელ ბერშუეთში რუსმა ოკუპანტებმა საოკუპაციო ხაზი გადმოწიეს. ადგილობრივების ინფორმაციით, სამხედროებმა ე.წ. საზღვრის აღმნიშვნელი ახალი ბანერი 3 ივლისს განათავსეს. ადგილობრივი მოსახლეობის კუთვნილი 10 ჰექტარი მიწა საოკუპაციო ზოლში მოექცა.
ამ ფაქტთან დაკავშირებით YOUTUBE-ს გვერდზე მომხმარებელმა "CyborgMcloud" ვიდეო განათავსა, სადაც დეტალურად არის აღწერილი წლების განმავლობაში როგორ წევდნენ რუსები თვითნებურად საზღვარს და როგორ აშენებდნენ სამხედრო ბაზებს. ჩვენ ამ დროს მშვიდად ვსხედვართ და გვგონია, რომ უსაფრთხოდ ვართ. ამ ინფორმაციას მოსახელობას არავინ აწვდის. აუცილებლად უყურეთ ვიდეოს! ეს მდგომარეობა საგანგაშოა!


ასევე ფეისბუქ გვერდზე "ქრონიკა+"-ის ჟურნალისტების ინიციატივა ანუ ივენთი გავრცელდა, რომელიც 14 ივლისაა დაგეგმილი, სადაც აღწერაში წერია: "
აქციის გამართვა მცოცავი ოკუპაციის წინააღმდეგ. გასვლა სოფელ ბერშუეთში, საოკუპაციო ზოლთან. აქციაში მონაწილეობა შეუძლია საქართველოს ნებისმიერ მოქალაქეს, მიუხედავად პარტიული სიმპათიისა და კუთვნილებისა.დაგეგმილია გასვლა საოკუპაციო ზოლთან, ცოცხალი ჯაჭვი საქართველოს სახელმწიფო დროშებით და თემატური ტრანსპარანტებით ქართულ, ინგლისურ, რუსულ ენებზე, 2013 წლის 13 მაისს ავღანეთში დაღუპული კაპრალის ალექსანდრე კვიწინაძის საფლავის შემკობა ყვავილებით - საოკუპაციო ზოლი ამ საფლავიდან რამდენიმე ასეულ მეტრში გადის."