ახალგაზრდა ქალის და ორი მცირეწლოვანი ბავშვის გვამი აღმოაჩინეს ლივერპულში, ჯონ ლენონის ყოფილ ბინაში, სადაც ლეგენდარული ექს-ბითლზი 1962-68 წლებში ცხოვრობდა.

ინციდენტი სამშაბათ საღამოს მოხდა, გამოძახების შემდეგ პოლიცია მივიდა ბინაში, რომელიც ფოლკნერ-სტრიტზე, პირველ სართულზე არის განთავსებული, მკვლელობაში ეჭვმიტანილია 30 წლის მამაკაცი, რომელიც მოგვიანებით საავადმყოფოში გადაიყვანეს.

მედისატის საგრაფოს პოლიცია ვარაუდობს, რომ მკვლელობა საყოფაცხოვრებო ნიადაგზე მოხდა.ადგილზე მუშაობს სასამართლო სამედიცინო ექსპეტიზა.

ჯონ ლენონი ფოლკნერ-სტრიტზე ახალშერთულ ცოლ სინტიასთან ერთად 1962 წელს დასახლდა.მეზობლების განცხადებით ლივერპულელი ოთხეულის თაყვანისმცემლები ხშირად სტუმრობდნენ ამ ბინას, ეწყობოდა ექსკურსიები. "ლენონის ყოფილ ბინაში ცხოვრობდა ოჯახი ორ მცირეწლოვან ბავშვთან ერთად"-აცხადებს ერთ-ერთი მეზობელი.

ჯონ ლენონმა და სინტიამ ამ ბინაში 1968 წლამდე იცხოვრეს მანამდე, სანამ ლენონმა იოკო ონო არ გაიცნო, რის შემდეგაც სინტიას გაეყარა.