საზოგადოება დღენაკლული ჩვილი,რომელიც დედის ხელთათმანმა გადაარჩინა 2017, 29 მაისი, 17:21
იამილ ჯექსონის ვაჟი ვადამდე 12 კვირით ადრე გაჩნდა და 1200 გრამს იწონიდა.ის სპეციალურ ინკუბატორში მოათავსეს. იამილი მთელ დღეს ვაჟთან ატარებდა, ღამით განყოფილებაში დარჩენის ნებას კი ექიმები არ აძლევდნენ.
დღენაკლულ პატარებს ჯანმრთელობის სხვადასხვა პრობლემები აღენიშნებათ, შესაძლოა ვერც მოხერხდეს მათი გადარჩენა, ამიტომ იამილს სულ იმის შიში ჰქონდა როცა სახლში მიდიოდა, რომ მეორე დღეს თავისი პატარა ცოცხალი არ დახვდებოდა.
ერთხელ, სახლში მოსული იამილი ჭურჭელს რეცხავდა, როცა თავის ხელებზე წამოცმულ რეზინის თათმანებზე თვალგაშტერებულს ბრწყინვალე იდეა მოუვიდა თავში. მან აიღო ქსოვილის თათმანი, სელის თესლით გაავსო და საავადმყოფოში წაიღო. იმ დროის განმავლობაში, სანამ ის თავის შვილთან იჯდა, თათმანი სხეულთან ახლოს ჰქონდა. ქსოვილმა მისი სურნელი მიიღო, სელის მარცვლები კი გათბნენ. სახლში წასვლის წინ ეს თათმანი იამილმა თავის პატარას დააფარა. მეორე დღეს ექთნებმა ახარეს, რომ მის ვაჟს მთელი ღამით უშფოთველად ეძინა და არც სუნთქვის და არც გულისცემის პრობლემები არ ჰქონია. ამის შემდეგ ქალი ყოველდღე ტოვებდა თათმანს პატარასთან. იამილს ექთნებმა სთხოვეს სხვა დედებისთვისაც დაემზადებინა ასეთი თათმანები, მანაც არ დაიზარა და თავისი ხელით შეკერა 100-ზე მეტი თათმანი. დღენაკლული პატარები ხომ განსაკუთრებულ მზრუნველობას და სითბოს საჭიროებენ, მედდებს კი უბრალოდ დრო არ აქვთ, რომ ყოველ მათგანს საკმარისი დროით მიხედონ. ახლა იამილს კომპანია აქვს, რომელიც სპეციალურ თათმანებს უშვებს პატარებისთვის. ასეთ თათმანებში პატარებს ისე უშფოთველად სძინავთ, როგორც დედის ხელებში. 227 1-ს მოსწონს
|