მათთვის,

ვინც ბუნებრივობას ანიჭებს უპირატესობას, არ არის დუკანის დიეტის მიმდევარი და 90/60/90 უმნიშვნელო ციფრებია..

გთავაზობთ მოდური ლუქის რამდენიმე ვარიანტს, რაც გაცილებით ელეგანტურად და
დახვეწილად წარმოაჩენს თქვენს სავსე სხეულს.
მაშ ასე...

კლასიკური ლუქი

თეთრი პერანგის და ლეოპარდის პრინტიანი ქვედაბოლოს სინთეზი
ხაზს გაუსვამს თქვენს მიმზიდველ თეძოებს, ამასთანავე უფრო მაღალს გამოგაჩენთ.

თუ ამ ლუქს მკვეთრი ფერის პიჯაკსაც დაუმატებთ, წარმატება თქვენს ხელში იქნება.

შეუცვლელი ჯინსი

სულერთია სად აპირებ წასვლას - ლექციაზე, წვეულებაზე თუ მეგობართან - მუქი ფერს ჯინსი საუკეთესო გადაწყვეტილებაა ნებისმიერ შემთხვევაში.

ის იდეალურად ეხამება როგორც მაღალ ქუსლებს, ასევე თავისუფალი
სტილის ფეხსაცმელს და ხელს უწყობს სილუეტის უკეთ გამოკვეთას.

ზოლებიანი პრინტი

წელიწადის ნებისმიერ დროს აქტუალობას არ კარგავს ზოლიანი სამოსი. სულერთია - კაბა იქნება ეს, პერანგი თუ შარვალი.

გაცვია ზოლიანი? ე.ი. ერკვევი მოდის ტენდენციებში.

მაგრამ გახსოვდეთ - ზოლები აუცილებელია იყოს ვერტიკალურად განლაგებული და არა ჰორიზონტალურად. თუ ამ რჩევას გაითვალისწინებთ მერწმუნეთ გაცილებით მაღალი და სუსტი გამოჩნდებით.

სპორტული სტილი

მეგობარმა დაგირეკა - 5 წუთში შენთან ვარ და სასეირნოთ წავიდეთ...
არ აღელდე, სპორტული პიჯაკი და ბოტასები - აი რა გჭირდება.

სპორტული სტილი დაგეხმარებათ ზედმეტი დროისა და ძალისხმევის გარეშე მუდმივად ახალგაზრდულად და მოდურად გამოიყურებოდეთ.

ნაქსოვი პულოვერი

სწორად შერჩეული პულოვერი წონის საუკეთესო კორექტორია. შეუხამეთ მას მჭიდრო ქვედაბოლო ან შარვალი და თქვენი ფიგურა გაცილებით მიმზიდველი გახდება.

გრძელი მოსასხამი

ესაა ყველაზე მარტივი და სწრაფი ხერხი დაფაროთ მიმოფანტული არასასურველი კალორიები.

მრავალფეროვნება

ნუ მოექცევით ჩარჩოში. შეუხამეთ ერთმანეთს რამდენიმე პრინტი, შექმენით თქვენი განუმეორებელი სტილი და მერწმუნეთ ბევრი მიმდევარი გამოგიჩნდებათ.

მეტი სითამამე

თუ თქვენ ფიქრობთ, რომ შორტები მხოლოდ სუსტი გოგონებისთვისაა
ძალიან ცდებით.

ელეგანტურ შორტებს
შეურჩიეთ გრძელი, ფერადი პიჯაკი და თქვენ ულამაზესი ხართ!!!

რაც მთავარია - მეტი თავდაჯერებულობა და არავითარი კომპლექსი. სილამაზე ხომ თქვენს უნიკალურობაშია..