შოუბიზნესი დონალდ ტრამპი კრისტენ სტიუარტით არის შეპყრობილი! 2017, 12 თებერვალი, 17:54 დონალდ ტრამპი, ამერიკის 45-ე პრეზიდენტი, 2012 წელს კრისტენ სტიუარტით იყო შეპყრობილი. როგორც ჩანს, დონალდი ახალგაზრდა მსახიობების რობერტ პატინსონისა და კრისტენ სტიუარტის რომანს ძალიან განიცდიდა! მან თვითერზე 11-ჯერ დაწერა კრისტენის შესახებ და თავისი გულწრფელი დამოკიდებულებაც გამოამჟღავნდა.
"რობერტ პატინსონი კრისტენ სტიუარტს არ უნდა შეურიგდეს. მან(კრისტენმა) უღალატა, როგორც ძაღლს და ამას კიდევ გააკეთებს – უბრალოდ, დაველოდოთ. მას (პატინსონს) აშკარად უკეთესი ეკუთვნის!" ეს ყველაფერი სულაც არაა! რჩევა-დარიგებებმა საკმაოდ დიდი მასშტაბები მიიღო. დონალდმა კრისტენისა და რობერტის რომანზე 11ჯერ დაპოსტა. აღსანიშნავია, ერთხელ კრისტენს დაბადების დღეს მიულოცა. კრისტენმა დონალდის აკვიატებას რამდენიმე დღის წინ SNL-ის ეთერში უპასუხა. მსახიობი პირდაპირ ეთერში ამბობს: "ცოტას ვნერვიულობ, რადგან დღეს ვმასპინძლობ გადაცემას და ვიცი, რომ პრეზიდენტი სავარაუდოდ მიყურებს. მემგონი, მას არც ისე ძალიან მოვწონვარ... 4 წლის წინ ვხვდებოდი ბიჭს, სახელად რობერტს. ჩვენ დავშორდით, შემდეგ ისევ შევრიგდით. გაურკვეველი მიზეზის გამო ამ ამბავმა დონალდ ტრამპი ჭკუიდან გადაიყვანა! ჰო, ეს ნამდვილი სიგიჟეა. პრეზიდენტი ჩემი დიდი ფანი ნამდვილად არაა, თუმცა ამას არაუშავს. დონალდ, თუკი მაშინ არ მოგწონდი, ახლა ნამდვილად აღარ მოგეწონები, რადგან ვმასპინძლობ SNL-ს და "ძალიან" გეი ვარ! ესეც დაპირებული მილოცვა! 255 1-ს მოსწონს
|