ახალი წლის დღესასწაული ახლოვდება და ბევრი იწყებს ფიქრს სახლში საზეიმო ატომოსფეროს შექმნაზე. ყურადღების ცენტრში, რაღა თქმა უნდა ნაძვის ხე და მისი მორთულობა იქნება. მაღაზიაები უკვე სავსეა ათასგვარი საახალწლო სათამაშოთი, თუმცა საკუთარი ხელით შექმნილ ორიგინალურ ნივთებს მაინც არაფერი შეედრება, მით უმეტეს, თუ საქმეში ბავშვებსაც ჩავრთავთ.

ქვემოთ წარმოგიდგენთ ნაძვის ხის სათამაშოების შექმნის რამდენიმე ძალიან მარტივ, იაფ და, რაც მთავარია ეფექტურ ხერხს. შეუდექით სამუშაოს და დარწმუნებული იყავით, რომ თქვენს მიერ შექმნილი მოსართავები ნაყიდთან შედარებით გაცილებით ლამაზი, უცხო და ეფექტური იქნება. რაც მთავარია, უფრო მეტ სითბოს და სიხალისეს შესძენს სახლს.

დაგჭირდებათ:

50 მლ. წყალი
4–5 ჩ.კ. შაქარი
10 მლ. წებო ПВА
საქსოვი ძაფები, ბისერები ან სხვა მორთულობები

1. ერთმანეთში აურიეთ შაქარი, წებო და წყალი. მიღებულ ნარევს წებოდ გამოიყენებთ. ინგრედიენტების თანაფარდობის ცვლა შეიძლება. მაგალითად, თუ თუ უფრო მეტ შაქარსა და წებოს დაუმატებთ, ბურთი უფრო მყარი გამოვა.

2. გაბერეთ სასურველი ზომის ბუშტი. დაახვიეთ მასზე ნარევში ამოვლებული ძაფი და დადეთ გასაშრობად.


3. შემდეგ გახეთქეთ ნემსით ბუშტი და ფრთხილად ამოიღეთ. მიღებული ბურთულა შეგიძლიათ აეროზოლით შეღებოთ სასურველ ფერად.

ამავე მეთოდით შეიძლება ძველი საახალწლო სათამაშოების განახლება ან უსარგებლო ნათურების გალამაზება. ამგვარი სამშვენისები ძალიან ეფექტურად გამოიყურება ნაძვის ხეზე.


იდეები ძველი საახალწლო სათამაშოების განახლებისთვის

საახალწლო ბურთულა, რომელიც გაფორმებულია ირისის ძაფით, ტილოს ქსოვილით და გიპიურით საკმაოდ სტილურად და ჰარმონიულად გამოიყურება.


კიდევ ერთი ძალიან მარტივი იდეა - ძველი ბურთების გაფორმება მძივებით.

თუ ჩხირებით ან ყაისნაღით ქსოვა შეგიძლიათ, მარტივად შეძლებთ ნაძვის ხის ძველი სათამაშოებისთვის აჟურული "სამოსის" მოქსოვას.

გამოიყენეთ ბისერები დახვეწილი სთამაშოების შესაქმნელად. მაგრამ ჯერ ძველი ბურთები გადაღებეთ.


იკიდევ ერთი ძალიან მარტივი ვარიანტი - სათამაშოს მორთვა ციმციმებით.


ბუნებირივი მორთულობებიც, რომლებიც სეირნობისას შეაგროვეთ, ძველი სათამაშოების გარდაქმნისთვის შესანიშნავ მასალად გამოდგება.


ბავშვებს ალბათ ძალიან მოეწონებათ მორთვა საყვარელი მულტფილმის გმირების გამოსახულებების მქონე ბურთებით.

აი, ასე მარტივად, სახალისოდ და მინიმალური დანახარჯებით შეიძლება მივიღოთ ძალიან ეფექტური საახალწლო მორთულობები.

ასევე საინტერესოა:

1. ულამაზესი 3D ნაძვის ხეები ორცხობილასგან - (რეცეპტები და ინსტრუქციები)

2. გააკეთეთ საახალწლო ორცხობილას სახლი მარტივად (დეტალური რეცეპტი და შაბლონი)

3. რატომ ვრთავთ საახალწლოდ ნაძვის ხეს და რატომ არის იგი ქრისტიანული შობის სიმბოლო