სოციალურ ქსელებში სატელეფონო ჩანაწერი გავრცელდა, რომლის თანახმად მიხეილ სააკაშვილი და ნაციონალური მოძრაობის ლიდერები არჩევნების რევოლუციური სცენარით წარმართვას გეგმავენ. ხელისუფლების წარმომადგენლებმა გავრცელებული ჩანაწერი უკვე მონათლეს სახელმწიფო გადატრიალების გეგმად. ჩანაწერის ავთენტურობა ჯერ დადასტურებული არ არის, თუმცა საქართველოს ექს-პრეზიდენტმა მიხეილ სააკაშვილმა ჩანაწერის ნამდვილობა უარყო და უნიჭო მონტაჟად შეაფასა.