ინგრედიენტები ცომისთვის:

კარაქი (ან მარგარინი) – 300 გრ.

არაჟანი – 300 გრ.

შაქარი – 1, 5 ჭიქა

კვერცხი – 3 ცალი (+ კვერცხის გული – გადასასმელად)

ვანილინი – 1, 5 გრ.

სოდა – 1 ჩ. კ.

მარილი – 1 მწიკვი

ფქვილი – რასაც შეიზელს

მასალა გულსართი:

I. სქელი ჯემი (ნებისმიერი);

II. შაქარი და მანქანაში გატარებული ნიგოზი, პროპორციებით 1:1;

III. (მასალა 4 გუნდისთვის): შესქელებული რძე – 1 ქილა (370 გრ.), შავი შოკოლადი – 100 გრ, ნიგოზი (გატარებული) – 1 ჭიქა;

შენიშვნა: აქ მხოლოდ სამი სახის გულსართისთვის საჭირო ინდრედიენტები არის დასახელებული. თუმცა, შეგიძლიათ, სხვა ნებისმიერი შემადგენლობის გულასრთი გამოიყენოთ. თუ გულსართი მშრალი და ფხვიერია, რულეტი გამოაცხეთ, თუ ჯემის მაგვარი – მაშინ ღვეზელივით შეკარით და საცხობ ფირფიტაზე, “ნაკერით" ქვევით მოათავსეთ.

მომზადება:

1. ათქვიფეთ კარაქი კარგად > დაამატეთ არაჟანი და გააგრძელეთ თქვეფა > დაამატეთ შაქარი და კარგად ათქვიფეთ (მინიმუმ 3 წუთი, სანამ არ აფუმფულდება) > შეათქვიფეთ კვერცხი ცალ-ცალკე > დაამატეთ ვანილის ნახევარი, 1 ჭიქა ფქვილში შერეული სოდა, მარილი > კარგად ათქვიფეთ > დაუმატეთ ფქვილი იმდენი, რომ რბილი, გასაბრტყელებელი ცომი მოიზილოს.

2. ცომი გაყავით 4 ნაწილად > გააკეთეთ გუნდები > თითოეული გუნდა მოათავსეთ ერთჯერად პოლიეთილენის პარკებში ან გაახვიეთ ცალ-ცალკე სამზარეულოს აპკში და მაცივარში შეინახეთ 12 საათი.

შენიშვნა: ცომის მაცივარში შენახვა 1 კვირის მანძილზე შეგიძლიათ (+2 გრადუსზე –ანუ იმ თაროზე, რომელიც საყინულესთან ახლოს არის). ასე შენახული ცომით, შეგიძლიათ ყოველდღე ახალ-ახალი ნამცხვარი გამოაცხოთ – ერთი გუნდიდან 6-7 ნაჭერი გამოდის.

3. შოკოლადიანი გულსართის მოსამზადებლად, ემალირებულ პატარა თასში ჩაასხით შესქელებული რძე > დაამტვრიეთ შოკოლადის ფილა და ჩაყარეთ თასში > დადგით თასი ნელ ცეცხლზე იქამდე, ვიდრე შოკოლადი არ გადნება, თან სულ ურიეთ.

4. როდესაც შოკოლადიანი შესქელებული რძე შეგრილდება, დაამატეთ მანქანაში გატარებული ნიგოზი.

5. გამოიღეთ მაცივრიდან ცომი > გააბრტყელეთ სათითაოდ თითოეული გუნდა 1 სმ. სისქეზე > მოათავსეთ მათზე გულსართის მეოთხედი და ცომზე გაანაწილეთ, ისე რომ ნაპირებთან, 2-3 სმ. სიგანეზე, გულსართის გარეშე იყოს > შეკარით ცომი ღვეზელივით და მოათავსეთ ცხიმწასმულ და ფქვილმოყრილ საცხობ ფირფიტაზე, “ნაკერით" ქვევით.

6. კვერცხის გულს შეურიეთ ცოტა წყალი და დარჩენილი ვანილინი > გადაუსვით ზემოდან ნამცხვარს > მოაფიფქეთ ცოტა შაქარი > დაჩხვლიტეთ ჩანგლით 6-7 ადგილზე.

7. გამოაცხეთ 180 გრადუსზე, წინასწარ გახურებულ ღუმელში.