26 წლის სექსუალური და თამამი იმიჯის მქონე "კომედი შოუს" ცნობილი სახე ნინი ონიანი, მუდამ ყურადღების ცენტრშია. არაპროფესიონალი მსახიობი ხშირად ექცევა სკანდალებში. იგი პროფესიით ფარმაცევტია, მაგრამ სწავლის პერიოდშივე მიხვდა, რომ ეს მისი საქმე არ იყო, რადგან ნინის ყოველთვის ხელოვნება იზიდავდა და სწავლას თავი დაანება. ნინის პირველი გამოჩენა ეკრანებზე ტელესერიალ "დეტექტივში" შედგა, სადაც იგი სრულიად შიშველი წარსდგა მაყურებლის წინაშე. მიუხედავად თამამი სცენებისა, ამ კადრებს არც სკანდალი გამოუწვევიათ და არც პოპულარობა მოუტანიათ დამწყები მსახიობისთვის. იგი საზოგადოებისთვის ცნობილი გახდა კომედიური ჟანრის ქართული ტელესერიალიდან "ქალთა სახეები".

ნინი ონიანი ყოველ დღე თავის ძაღლს, "ცუგრიკა ოზის" ასეირნებს და გაოცებულია იმ დედების რეაქციით, რომლებიც საკუთარ შვილებს ცხოველების მიმართ შიშს უნერგავენ. ამის შესახებ იგი სოციალურ ქსელ "ფეისბუქზე" სტატუსს აქვეყნებს:

"ესეიგი... ყოველ დღე მე და ჩემი ცუგრიკა ოზი ვსეირნობთ ქუჩაში, 10-დან 8 მშობელი, რომლის შვილიც იწევს ჩემი უსაყვარლესი და უკეთილესი ძაღლის მოსაფერებლად, ამბობს: გამოდი აქეთ, გიკბენს!!! 4 წლის მანძილზე არავისთვის უკბენია ამ ძაღლს-ეს ერთი; მეორე, რატომ უნერგავთ ბაშვებს ცხოველის შიშს და მესამე, იმაზე თუ გიფიქრიათ ასეთო მშობლებო, რომ სტატისტიკურად ადამიანები უფრო ხშირად იკბინებიან, ვიდრე ძაღლები!!!!!