XXI საუკუნე ტექნიკური სიახლეებით გვანებივრებს. მეცნიერები გამუდმებით ცდილობენ შექმნან რაღაც ახალი, რაც მეტად გაადვილებს ჩვენს ყოფა-ცხოვრებას. მიუხედავად ამისა, მთავარ პრობლემად მაინც რჩება დრო, რომელიც ესოდენ ძვირფასია თითოეული ადამიანისთვის(თუმცა დროს ვინ როგორ გრძნობს, ეს კიდევ საკითხავია).

დღეს საერთაშორისო ურთიერთობები მეტად აქტუალურია. შორეულ მეზობლებთან მგზავრობა კი ძალიან დამღლელი. სწორედ ამ მიზნით, მეცნიერებმა ახალ პროექტზე დაიწყეს მუშაობა. პროექტზე, რომელიც მეტად მნიშვნელოვანია საქმიანი ადამიანებისთვის. ისინი ჰქმნიან თვითმფრინავს, რომელიც ერთ საათში ჩაიყვანს მგზავრებს პარიზიდან ან ლონდონიდან ნიუ-იორკში. ერთადერთი რაც Airbus-ზე ვიცით ისაა, რომ მისი მაქსიმალური სიჩქარე 5500კმ/სთ-ია.