იარლიყი საქონელზე დაკრულ ფურცელს ნიშნავს, რომელზეც აღნიშნულია სახელწოდება, რაოდენობა, ფასი და სხვა. ნებისმიერ ტანსაცმელს აქვს იარლიყი ზედ
გამოსახული ნიშნებით. ბევრმა ჩვენთაგანმა არ იცის მათი მნიშვნელობა. ზოგი საერთოდ არ აქცევს ყურადღებას, ზოგიც აჭრის ამ იარლიყს და აგდებს. არადა სწორედ ისინი გვასწავლიან როგორ მოვუაროთ (გავრეცხოთ, გავწმინდოთ, გავაუთოვოთ, გავაშროთ) კონკრეტული ტანსაცმელი ისე, რომ არ გავაფუჭოთ. ამ ნიშნების ცოდნა და ყურადღებით მოპყრობა ნამდვილად საჭიროა, რათა ჩვენმა სამოსმა დიდი ხნით შეინარჩუნოს პირვანდელი სახე.


აღსანიშნავია, რომ გარდა საყოველთაოდ ცნობილი ნიშნებისა, არსებობს მწარმოებლების მიერ შექმნილი უცნაური ნიშნები, რომლებსაც მხოლოდ მათი დიდი იუმორის გრძნობას თუ დავაბრალებთ, რადგან არანაირ ლოგიკას არ ექვემდებარება და მხოლოდ გაოცებას და ღიმილს იწვევს. ამ სტატიაში გთავაზობთ ერთ-ერთი რუსული საიტის მიერ შეგროვებულ ყველაზე ორიგინალურ იარლიყებს, რაც ნამდვილად სახალისოა და შესაძლოა მოგინდეთ, მთელი თქვენი გარდერობი „გადაიკითხოთ“. დარწმუნებული ვარ, რომ ამიერიდან ხშირად დააკვირდებით თქვენს ტანსაცმელზე არსებულ იარლიყებს რაიმე განსაკუთრებულის აღმოჩენის მიზნით და თუ მას იპოვით, უბრალოდ გახალისდით, რადგან თქვენ ერთ-ერთი იქნებით იშვიათთაგან.