მოწყობილობა, რომელიც Android–ის პლატფორმაზე მომუშავე სმარტფონთან ერთად ფუნქციონირებს, ეკრანზე ასახავს შეტყობინებებს, საათის გამოყენება კი შესაძლებელი იქნება ხმოვანი ზარების განხორციელებისა და აპლიკაციებით სარგებლობისთვის. Galaxy Gear–ის გამოშვებით, Samsung–მა გაუსწრო ისეთ კომპანიებს, როგორიცაა Microsoft, Apple და Google, რომლებიც, სხვადასხვა ცნობით, ასევე მუშაობენ საკუთარი „გონიერი საათის“ შექმნაზე. ახალი მოწყობილობის ღირებულება 299 დოლარია. აშშ–ში გაყიდვები, 25 სექტემბერს დაიწყო. ანალიტიკოსების აზრით, იმ გარემოებამ, რომ საათების ფუნქციები მხოლოდ Galaxy Android–ის სერიის ტელეფონების აქსესუარის დატვირთვით შემოიფარგლება, შესაძლოა, ახალი პროდუქტის მიმზიდველობა მნიშვნელოვნად შეასუსტოს.