მაკიაჟი და ვარცხნილობა როგორ მივანიჭოთ სახის კანს მსუბუქი ბრწყინვალება-მაკიაჟი New nude 2014, 14 მარტი, 16:48 მიმდინარე სეზონისთვის მაკიაჟის ახალი ტენდენციები ასე თუ ისე დაკავშირებულია ბუნებრიობასთან. თითოეული ქალბატონის სილამაზის საფუძვლად გაზაფხული-ზაფხულის სეზონისთვის ვიზაჟისტებმა გამოაცხადეს ბრწყინავი კანი მინიმალური აქცენტებით-ამასთან ეს არ გულისხმობს მაკიაჟზე უარის თქმას, არამედ გონივრულად შერჩეულ პროდუქტებს.
Lanvin გაზაფხული-ზაფხული 2014
იდეალური იერსახეები ე.წ "new nude"-ის სტილში წარმოდგენილი იყო Chloe, Lanvin, Bottega Veneta, Balmain-ის ჩვენებებზე. მოდელების სახეები ბრწყინავდა სიჯანსაღით და სიქორფით. მსგავსი მაკიაჟის გაკეთებისას უნდა გაითვალისწინოთ ძირითადი წესი: შეარჩიეთ სახის მოვლის ხარისხიანი საშუალება და ტონალური კრემის შესაბამისი ფერი. იდეალური მაკიაჟის შექმნა დაიწყეთ ეტაპობრივად: -არ დაივიწყოთ დამატენიანებელი საშუალება. აირჩიეთ მსუბუქი ტექსტურის კრემი, რომლის შემადგენლობაში შედის მცენარეული ექსტრატები, ჰიალურონის მჟავა და ეთერზეთები. -მსგავსი კრემი აკორექტირებს სახის ფერს, იცავს კანს დღის განმავლობაში, მისი წასმა შეიძლება ტონალურის ფუძის ქვემოდან ან მის ნაცვლად. -ტონის ზემოდან თითებით დაიტანეთ "ჰაილაითერი" სახის გამოწეულ ნაკვთებზე-ღაწვებზე, წარბების ქვევით და თმის ზრდის ხაზის გასწვრივ შუბლზე. -მსუბუქი ბუნებრივი მაკიაჟის შესაქმნელად უპირატესობა მიანიჭეთ პროდუქტებს, რომლებიც შეიცავს სინათლის ამრეკლავ პიგმენტებს. პუდრა-ილუმინატორი და მსუბუქად მოციმციმე ჩრდილები გამოხედვას მეტ ბრწყინვალებას მიანიჭებს და სინათლეს შემატებს სახეს. Bottega Veneta გაზაფხული-ზაფხული 2014 Chloe გაზაფხული-ზაფხული 2014 Balmain გაზაფხული-ზაფხული 2014 Lanvin გაზაფხული-ზაფხული 2014 183 1-ს მოსწონს
|