საზღვარგარეთის პრესა დღეს აქტიურად განიხილავს ჰოლივუდის ვარსკვლავური წყვილის ეშტონ კატჩერისა და მილა კუნისის ამჟამინდელ დაძაბულ ურთიერთობას. საქმე ეხება მილა კუნისის არც თუ უმიზეზო ეჭვიანობას თავის საყვარელ მამაკაცზე და პოპ მუსიკის ვარსკვლავ - ბარბადოსელ რიანაზე.

როგორც წყარო გვატყობინებს, ცოტა ხნის წინ ეშტონ კატჩერს ხშირად მოდიოდა მობილურ ტელეფონზე უცნობისგან შეტყობინებებიც და ზარებიც, თუმცა მილას შეკითხვას მსახიობი ყოველთვის თავს არიდებდა.

ამის შესახებ მილა კუნისმა თავის მეგობრებთანაც დაიჩივლა და ნერვიულობისა და საკუთარი ეჭვიანობის შესახებ უახლოეს გარემოცვას მოუყვა და ისიც აღნიშნა, თუ როგორ სთხოვა საყვარელმა მამაკაცმა პატიება.

ამჯერად სექს სიმბოლოდ აღიარებულ ეშტონ კატჩერს კვლავ შეექმნა პრობლემა, რადგან მას ტელეფონზე "გამოტოვებულ ზარებში" რიანას მორიგი შეტყობინება მოუვიდა. თავად მსახიობი რიანასთან მხოლოდ და მხოლოდ მეგობრულ ურთიერთობაზე საუბრობს, რისთვისაც მან ბოდიში მოუხარა მილას და პირობა მისცა, რომ რიანასთან სამუდამოდ შეწყვეტდა არა მარტო ურთიერთობას, არამედ სატელეფონო კავშირსაც.

წყარო იმაზეც საუბრობს, რომ ეშტონის ნამდვილი სიყვარული და საყვარელი ქალი მხოლოდ მილა კუნისია, რომელსაც რამდენიმე დღის წინ ცოლობა სთხოვა.