დღეიდან თბილისის მერია ავტობუსის მგზავრებს ახალ მომსახურებას შესთავაზებს.

მგზავრებს შეეძლებათ მოკლეტექსტური შეტყობინების გაგზავნით მარტივად გაიგონ რამდენ წუთში მივა მათთვის სასურველი ავტობუსი კონკრეტულ გაჩერებაზე.

თბილისის მერია ქალაქში არსებულ ყველა გაჩერებას ინდივიდუალური ნომრები მიანიჭა, ინფორმაციის მისაღებად მგზავრმა გაჩერების ნომერი უნდა გააგზავნოს მოკლეტექსტური შეტყობინებით ნომერზე : 93344. შეტყობინების საფასური 2 თეთრია.

აღნიშნული ინფორმაციის მიღება ასევე თბილისის მერიის ოფიციალურ ვებ-გვერდზე: www.tbilisi.gov.ge არის შესაძლებელი.