სხვა თავხედი მათხოვრები თბილისი მეტროში 2013, 20 მარტი, 18:49
დარწმუნებული ვარ, ბევრ თქვენთაგანს უწევს მეტროთი მგზავრობა. ვისაც ავტომობილები გყავთ და აზრზე არ ხართ, რა ხდება მიწისქვეშეთში, მე გეტყვით. მეტროში ერთი დღე, დაახლოებით, ასეთია: ჩადიხარ, ირჩევ ორი ბაქანიდან ერთ–ერთს, შედიხარ დროულად (თუ კაი ხნის ლოდინის შემდეგ) მოსულ მატარებელში და ცირკიც იწყება: ვაგონის თავში გამოჩენილი აჩაჩულ–დაჩაჩული, წვინტლიანი და ჭუჭყისგან გაშავებული ზრდასრული მათხოვარი ტრადიციული ტექსტით იწყებს: "დამეხმარეეთ, პურის ფული არ მააქვს, დედა მყავს ავაად, არ გატყუებთ, ხალხნოო". შემდეგ აკეთებს ჩამოვლას ან ნახევრად გაშლილი ხელით, ან პლასტმასის ჭიქით (არიან ისეთებიც, ვისაც ხელში ხატი უჭირავს, პირჯვარს იწერს, თუმცა სარწმუნოება რა არის, აზრზეც არაა).ხშირ შემთხვევაში, სპეციალურად გიდგება წინ და თუ ხურდას არ მისცემ, ისე გიყურებს, აქეთ გრძნობ თავს მათხოვრად. ნუ, ეს არის ზოგადი სიტუაცია. საშინელება აქ ისაა, რომ ზოგ მათგანს თვეების ჩვილი უჭირავს ხელში და ისე მათხოვრობს, უფრო სწორედ, ამ ახალდაბადებული სიცოცხლით სპეკულიანტობს... მათხოვრების თითქმის, 70%–ი პატარა ბავშვები არიან, რომლებიც მოგროვებულ თანხას შემდგომში უფროსებს აძლევენ. ზოგი მათგანი "არენდითაა" მიბარებული მისივე დედის მიერ სხვა მათხოვარ ქალზე, ანუ "გაქირავებული" ჰყავს პატრონს... მეტი ტრეფიკინგი რა გინდათ?! ეს ბავშვები მისახედები არიან! თავხედი მათხოვრების შემოტევას როგორმე გავუძლებთ მგზავრები, მაგრამ ბავშვებმა რა დააშავეს?! მიხედეთ ამ პატარებს! ათასი ჯიშის "ენჯეო" მარტო პოლიტიკურს რომ "აწვება", ამ ბავშვების უფლებებს არ უნდათ დაცვა?! ყველა მათგანი ტრეფიკინგის და მათზე განხორციელებული ძალადობის მსხვერპლია! ხოდა, გამოფხიზლდით!!! 186 6-ს მოსწონს 1-ს არა
|