მადრიდის ყოფილმა ლეგენდამ ბრაზილიელმა რონალდომ ''მანჩესტერ იუნაიტედის'' მთავარ მწვრთნელის სერ ალექს ფერგიუსონის ნათქვამმა ძალზე გაანაწყენა და შოტლანდიელი თავკაცის მიმართ თვითონაც გამოვიდა სიტყვით.

მადრიდის ''რეალთან'' ჩემპიონთა ლიგის 1/8-ფინალის საპასუხო მატჩის წინ, რომელიც ''იუნაიტედმა'' წააგო, სერ ალექსმა თქვა: ''პორტუგალიელი რონალდო სჯობს ბრაზილიელ რონალდოს-ბებერ მსუქანას". ფერგიუსონმა იქვე დასძინა, რომ ეს სიტყვები სიყვარულით თქვა.

როგორც გითხარით ბრაზილიელიც გამოვიდა სიტყვით: "რეალმა" მას პირი ჩემ მაგივრად მოაკეტინა. მისი ნათქვამი უპატივცემულობის გამოხატვა იყო.

პროფესიონალი, რომელიც ამდენი წელია, სპორტშია და რაინდად წოდებას ფლობს, ასე უზრდელურად და მდაბიურად არ უნდა ლაპარაკობდეს.

მე არ ვცდილობ, ყველას თვალში საუკეთესო ვიყო და იმითაც კმაყოფილი ვარ, რასაც ჩემი საფეხბურთო კარიერის განმავლობაში მივაღწიე-მე მსოფლიოს საუკეთესო ფეხბურთელი ვიყაივ.

იმედი მაქვს, მისი ხელმძღვანელობით გუნდები ყოველთვის წაგებულნი იქნებიან", -აქვეყნებს რონალდოს სიტყვებს "მარკა".